नेपाली जनप्रगतिशिल मञ्च दक्षिण कोरियाको आठौं अधिवेशन १२ डिसेम्बरमा हुने
नेपाल कम्युनिष्ट पार्टी माओवादी केन्द्रको प्रवास संगठन जनप्रगतिशिल मञ्च कोरियाले यहि डिसेम्बर १२ तारिक आइतबारका दिन अधिवेशन गर्ने भएको छ । कोरियाको राजधानी सउलमा हुने भनिएको अधिवेशन कोभिड महामारीको समस्याका कारण जूम भर्चुअल माध्यमबाट गरिने संगठनले जनाएको छ ।
माओवादी पार्टीप्रति आस्था राख्ने युबाहरु लाई संगठित गर्दै जनप्रगतिशिल मञ्च कोरियाले कोरियाभर ७ वटा क्षेत्रीय संगठनहरु निर्माण गरिसकेको छ । सउल, जेजु, बुसान-किम्हे, ख्यङगिदो, आन्सान, ओइजम्बु, ख्वाङ्जु लगायत क्षेत्रहरुमा आफ्नो संगठन बिस्तार गरेर झन्डै १ हजार आसपासमा पार्टीको संगठित सदस्यता वितरण गारिएको अध्यक्ष्य दिलिप धितालले बताए ।
माओवादीको अग्रगामी एजेन्डा र प्रष्ट भावी लक्ष्य भएको कारणले कोरियाको विकाससँग साक्षात्कार युवाहरु माओवादी पार्टी सदस्यता लिएर गौरवान्वित महसुस गरेको समेत अध्यक्ष धितालले बताए । पछिल्लो समयमा भएका प्रतिगामी कदम हरुलाई परास्त गर्दै गणतन्त्र जोगाउन मुख्य भुमिका खेलेका कारण पनि आजका शिक्षित युबाहरुको माओवादी प्रति आकर्षक रहेको केन्द्रिय सदस्य प्रबिण गिरिको दावी छ ।
कोरियामा विगत लामो समयदेखि कृयाशिल रहेको जनप्रगतिशिल मञ्चले यो अधिवेशन लाई आठौं अधिवेशनको रुपमा मानेको छ । राजनीतिक गतिविधिसँगै सामाजिक कार्यमा समेत उत्तिकै सकृय रहेको जनप्रगतिशिल मञ्च कोरियाले कोरियामा रहनुभएका सम्पूर्ण नेपालीहरुलाई जूम भर्चुअल माध्यममा जोडिएर अधिवेशन सफल पारिदिनहुन आह्वान समेत गरेको छ ।
