काभ्रेमा अवस्थित किराँत कालीन ‘मङ्ग्यागाङ पेपुङ छ्योर्तेन’ मर्मतका लागि सहयोग अपिल
रोशी गाँउपालिका ६, कालिञ्चोक काभ्रेपलान्चोकमा रहेको किराँत कालीन एतिहासिक ‘मङ्ग्यागाङ पेपुङ छ्योर्तेन’ संरक्षणको अभावमा जिर्ण अवस्थामा पुगेको छ । अहिले स्थानीय स्तरबाटै आर्थिक संकलन गरि मर्मत गरिने भएको छ ।
पौराणिक धार्मिक तथा सांस्कृतिक सम्पदाले उक्त स्थान परिवेशको एतिहासिक परिचय बोकेको पाईन्छ । यस किसिमको पूरानो धार्मिक तथा एतिहासिक सम्पदा गाँउ, नगर, स्थानीय निकाय वा राज्य पक्षले संरक्षण गर्नुपर्दछ ।
उक्त छ्योर्तेनमा रहेको बहुमूल्य सम्पत्तीहरू चोरी भएपश्चात धेरै दशक बित्दासमेत भौतिक संरचना संरक्षण, सम्बर्द्भन तथा प्रबर्द्भनमा कसैको चासोको बिषय नबनेकोले उक्त छ्योर्तेनको अवस्था जिर्ण बनेको थियो ।
अहिले उक्त छ्योर्तेन मर्मतका लागि रोशी गाँउपालिका निवासी स्वदेश तथा विदेशमा भएका सम्पूर्ण दाजुभाई तथा दिदीबहिनीहरू एवम् संघ-संस्थाहरूमा सहयोगका लागि अपिल गरिरहेको छ्योर्तेन मर्मत उपभोक्ता समितिका संयोजक मिम बहादुर लामाले जानकारी दिए ।
सहयोगीदाताहरु स्वयमले सहयोग गरेबापत रसिद तथा ‘मङ्ग्यागाङ पेपुङ छ्योर्तेन’ मर्मत उपभोक्ता समितिको सिद्धार्थ बैंक रोशी शाखामा रहेको खाता नम्बर ०३६१९७१११९० मा समेत जम्मा गर्न सकिने छ्योर्तेन मर्मत उपभोक्ता समितिका सचिव नोक बहादुर लामाले जानकारी दिए ।
साथै सहयोगी चन्ददाता एवम् संघसंस्थाहरुको सहयोग रकमलाई क्रमशः शिलालेखमा उल्लेख गर्नुका साथै मर्मत पश्चात् एक कार्यक्रमका बीच सम्मान समेत गरिने समेत सचिव लामाले बताएको छ ।
थप जानकारीको लागिः
‘मङ्ग्यागाङ पेपुङ छ्योर्तेन’ मर्मत उपभोक्ता समिति
रोशी- ६ कालिञ्चोक काभ्रे,
संयोजकः मिम बहादुर लामा
सम्पर्क नं. ९८६३१९४०२२
सचिवः नोक बहादुर लामा
सम्पर्क नं. ९८४९७४९११७
