सउल नेपाल गुम्बाले ल्होसार ल्हाब्सोल कार्यक्रम मनाए
थेग्छेन छ्योइलिङ सउल नेपाल गुम्बा दक्षिण कोरियाले ल्होसार ल्हाब्सोल बिशेष कार्यक्रम मार्च ६ तारिख आईतबार मनाएको छ ।
दक्षिण कोरियाको योङ्गीन शहरको वाउजङ्सा (गुम्वा) आफैंमा एक प्रसिद्भ पर्यटकीय धार्मिक स्थलका रूपमा चिनिन्छ ।
नेपालबाट बुद्धको प्रतिमा ल्याई राखिएको धार्मिक तथा पर्यटकीय धार्मिक स्थल योङ्गीन शहरमा अवस्थित वाउजङ्सा गुम्बा (와우정사 용인) मा २१४९ औं जल् बाघ वर्ग ल्होसार नयाँ वर्षको अवसरमा ल्होसार ल्हाब्सोल बिशेष पूजापाठ गरि मनाएको सउल नेपाल गुम्वाका लामा प्रमुख कुन्साङ दोर्जे लामाले जानकारी दिनुभयो । पूजाको केही दिन अगावै बुद्ध प्रतिमा स्थल वरिपरी सरसफाइ तथा लुङता दार्ज्यु तथा नेपालको झण्डा फेरिएको समेत जानकारी दिनुभयो ।
नेपाली सम्पर्क समिति (एनसीसी) दक्षिण कोरियाको संयोजन तथा नेपाल बौद्ध परिवारको सहकार्य र नेपाली दुताबास कोरियाको संरक्षकत्वमा संचालित “बुद्ध प्रतिमा स्थापना अभियान २०१८” सन् २०१८ जनवरी देखि शुरु भएको अभियानले २०१९ मे १२ तारिखका दिन वाउछङ्गसा गुम्बामा बुद्द जयन्तीको अवसरमा बुद्द प्रतिमा स्थापना गरि अभियान सम्पन्न गरिएको थियो ।
वाउछङ्गसा गुम्बा योङ्गीन, नेपाली दुताबास सौल, नेपाली सम्पर्क समिति कोरिया, नेपाल बौद्ध परिवार कोरिया, कोरियन एअर लाइन्स, अभियन्ताहरु, कोरियाली तथा नेपाली समुदायको विशेष आर्थिक भौतिक नैतिक सहयोगले बुद्ध प्रतिमा स्थापना अभियान सफल भएको थियो ।
आ-आफ्नो देशको धर्म कला सांस्कृति र परम्परा अनुसार मन्ने तरिकाहरू केही फरक पर्न सक्दछ । त्यसैगरी औंसीका दिन सरसफाई र भोलिपल्ट नयाँ वर्षको स्वागत गरिने भएतपनि दक्षिण कोरियाको छुट्टीको अवसर पारेर कार्यक्रम गरिएको समेत प्रमुख लामाले बताउनुभयो ।
ल्होसार (नयाँ वर्ष) पहिलो दिन मान्ने मान्यजनहरू, गुरू, बुवाआमा, इष्टामित्र, घरपरिवारबीच एकआपसमा रमाईलो गरी शुभकामना (आशिर्वाद/मोलम) अदानप्रदान गरि मनाइन्छ ।
त्यसै गरेर लोसार (छेपा-सुं) तृतीय- पूह्री सम्ममा धार्च्योगका साथै लुङताहरू विभिन्न बौध्द मन्त्र छापेको लुङत, पन्चरंगी ध्वजाहरू अग्लो अग्लो डाँडामा वा आफ्नो घर–घरमा धार्च्योग् चढाउने लुङता हावालाई चढाई ल्हाब्सोल भगवानहरू प्रति जय जयकार गरिन्छ ।
कार्यक्रममा सम्पूर्ण स्वदेश तथा बिदेशमा रहेका नेपाली, कोरियन बौध्दमार्गीहरू संगको अपसमा भाइचारा कायम हुँदै नेपाल र कोरियाबीच समेत शान्ति, सम्झौता छिट्टै कायम भै विश्वशान्ती छाइयोस भन्ने उध्देश्यले ल्हाब्सोल कार्यक्रम आयोजना गरिएकोले दुइ देशको नागारिकबोच सुमधुर सम्बन्ध र सुख शान्ति, समृद्धि, सु-स्वास्थ्य र विश्वशान्ति कायम राख्नका निम्ती ल्होसार ल्हाब्सोलको बिशेष महत्व रहेको पाइन्छ ।
