ए मेरो हजुर ४ कोरियामा प्रदर्शन हुँदै
दक्षिण कोरियामा सुपरहिट नेपाली चलचित्र ए मेरो हजुर ४ प्रर्दशन हुने भएको छ । आउदो जुन २६ तारीक आईतबार उम्सङको मुगुक सहरमा उम्सङ नेपाली समाज र हिमालय फूटबल क्लबको संयुक्त आयोजनामा चलचित्र प्रदर्शन हुन लागेको हो। चलचित्र दिउँसो १२ र ३ बजे गरी २ शो हुने आयोजकले जनाएको छ्।
कोरोना महामारीको कारण लामो समयदेखि कार्यक्रमहरु प्रतिबन्धित छन्। अहिले कोरोना नियन्त्रण सँगै जनजीवन सामान्य बन्दै गएतापनि सौल बुसान जस्ता ठूला शहरमा ५० जना भन्दा धेरै भेला हुन नपाउने नियम अनुसार चलचित्र प्रदर्शन गर्न नसकिएको र विस्तारै विभिन्न शहरहरुमा प्रदर्शन गरिने चलचित्रका सह निर्माता सरोज सुब्बाले जानकारी दिए। यस प्रदर्शनमा भने १०० जना भन्दा बढि भेला हुनेगरी उम्सङ विदेशि सहयोग केन्द्रको समन्वयमा स्थानिय प्रहरी चौकीमा अनुमति लिएको टिमका म्यानेजर सरोज अधिकारीले जानकारी गराएका छन्।
फिटनेस नेपाल, हिमालान एफसि नेपाली एण्ड थाई रेष्टुरेण्ट र सोफिया टिभि कोरिया स्पोन्सर पाट्नर रहेका छन्। उक्त चलचित्र मुगुक स्थित पुरानो बस टर्मिनल छेउमा रहेको 무극 시장 고객지원 센터को हलमा प्रदर्शन हुनेछ्। गत तीन वर्षअगाडि पनि संस्थाले ‘ए मेरो हजुर ३’ सफलता पूर्वक प्रर्दशन गरेको थियो । यस पटक कोरियामा नै पहिलो प्रदर्शन गरिने भएकोले दर्शकको बाक्लै उपस्थिति रहनेमा आयोजक आशावादी रहेको छ ।
