नेपाल पर्वतारोहण संघका नवनिर्वाचित सदस्यहरु सम्मानित
पर्यटन क्षेत्रमा सक्रिय तामाङहरुको साझा संस्था “तामाङ रिमठिम पर्यटन संजाल” को आयोजनामा यस संस्थामा आबद्ध भएका र भर्खरै सम्पन्न नेपाल पर्वतारोहण सङ्घको निर्वाचनमा निर्वाचित संजालका सदस्यहरुलाई संस्थाको तर्फबाट आज सम्मान गरेको छ ।
उक्त बधाई एवं सम्मान कार्यक्रम नेवा: घासा रेस्टुरेन्ट म्हेपि काठमाडौंमा एक समारोह बीच सम्पन्न भएको हो ।
संस्थामा आबद्ध निर्वाचित चारजना सदस्यहरु क्रमशः राजेन्द्र ब. लामा, सिङ्गी लामा, दिनेश तामाङ र लाल ब. वाइवालाई सम्मान गरिएको संस्थाका सचिव नरध्वज तामाङ (क्षितिज) ले जानकारी दिएका हुन ।
कार्यक्रम संस्थाका अध्यक्ष अम्बर बम्जन तामाङको अध्यक्षतामा र संस्थाका सल्लाहकार तिलक ब. लामा र कर्ण ब. लामाको आतिथ्यतामा भएको हो । साथै तामाङ समाजका अग्रज ब्यक्तित्वहरु, पर्वतारोही र पर्यटन ब्यवसायीको समेत उल्लेख्य उपस्थिति रहेको थियो ।
