दिपा मेवाहाङको कविता संग्रह “यादको सन्दुक” विमोचित
काठमाडौं | दिपा मेवाहाङ राईको कवित संग्रह “यादको सन्दुक” विमोचन भएको छ । सोमवार (असार ६ गते) काठमाडौं थापागाउँ स्थित मन्डाला थिएटरमा विमोचन तथा विमर्श कार्यक्रम सम्पन्न भएको हो ।
मन्डाला थिएटरको नाटक घरमा भएको उक्त कार्यक्रममा विमर्शकर्ताको रुपमा विप्लप प्रतीक, बिना थिङ तामाङ, पसुपति राई र अर्पण उत्कर्षको उपस्थिति रहेका थिए । सर्जक चारैजनाले संयुक्त रुपमा यादको सन्दुकको विमोचन गरेका हुन ।
कार्यकममा बोल्दै विमर्शकर्ताहरुले कवि दिपाले प्रवासमा रहेरपनि नेपाली कविता साहित्यमा अमुल्य योगदान दिएकोमा प्रशंसा गर्दै बधाई तथा शुभकामना दिएका थिए । कार्यक्रममा सहजकर्ताको भूमिका भने अन्वेश थुलिङले गरेका हुन् ।
यादको सन्दुकको सर्जक दिपा भने कर्मभूमी दक्षिण कोरियामै रहेकोले कार्यक्रममा कविहरु स्वप्निल स्मृति र संगीता थापाले केही कविताहरु वाचन गरेका थिए ।
सर्जक दिपाको तर्फबाट कवि तथा लेखक विना थिङ तामाङ्ले कार्यक्रममा प्रत्यक्ष अप्रत्यक्ष रुपमा साथ र सहयोग पुराउने र कार्यक्रममा सहभागी हुने सम्पूर्ण लाई धन्यवाद दिएकी थिइन् ।
कविता संग्रह फिनिक्स बुक्सले प्रकाशन गरेको हो ।
