छुसकमा “छेजुदो भ्रमण” को आकर्षक प्याकेज
कोरिया स्थित मिर्याङ नेपाली समाजले कोरियन पर्व छुसकको अवसर पारेर “पाँचौ छेजुदो भ्रमण” कार्यक्रम आयोजना गर्ने भएको छ । आउँदो सेप्टेम्बरको ९ देखि ११ तारिकसम्म रहने गरी तीन दिने उक्त भ्रमण कार्यक्रम आयोजना गरिएको हो ।
स्थापनाकाल देखि सामाजिक र परोपकारी कार्यमा संलग्न समाजले कोरियामा रहेका नेपालीहरु विचको आत्मियता र आपसी सम्बन्ध प्रगाढ गराउने उद्धेश्य रहेको स्पष्ट पार्दै कोरोना कहरको कारण गएको दुई वर्ष वर्षेनी नियमित रुपमा आयोजना गर्दै आएको भ्रमण कार्यक्रम स्थगित गर्नुपरेको र अहिले जनजीवन सामान्य बन्दै गएको सन्दर्भमा पाँचौ संस्करणको भ्रमणको तयारीमा जुटेको समाजका अध्यक्ष मिलन तामाङले जानकारी दिए । भ्रमणमा जानको लागी सउल क्षेत्रको लागि दोङ्देमुन, किम्हे र बुसान क्षेत्रको लागि किम्हे र मिर्याङ र थेगु क्षेत्रको लागी मिर्याङबाट मोक्पो बन्दरगाहसम्म जाने बसको व्यवस्था गरिएको समाजका संरक्षक सागर पोख्रेलले बताए ।
उक्त छेजुदो भ्रमणमा जान इच्छुकले उल्लेखित स्थान अनुरुप आफूलाई पायक पर्ने ठाउँमा बस चढ्नुपर्ने र ब्यानरमा उपलब्ध गरिएका आयोजकका व्यक्तिलाई सम्पर्क गरेर नाम टिपाउनुपर्नेछ । छेजुदो जाने आउने, खाना र जोडी (कपल) को लागि छुट्टै रुम तथा इन्स्योरेन्स समेत लगायतको सम्पूर्ण सुविधा प्याकेजमै समावेश गरिएको आयोजकले जनाएको छ ।
भ्रमण अन्तर्गत छेजुदोको प्रसिद्ध मुख्य ११ ठाउँहरु:
1. Seongsan Ilchulbong
2. Seopjikoji,
3. Manjanggul Cave
4. Cheonjiyeon Waterfall
5.Theme Park
6. Museums
7. Ice Museum
8. Horse Riding
9. Jet Boating
10. Famous Beaches
11. 3D-6D & Entertainment games लगायत अन्य धेरै मनोरम दृश्यहरु प्रत्यक्ष अवलोकन गर्न सकिने जनाइएको छ।
भ्रमण सम्बन्धि विस्तृत जानकारीको लागि समाजको संरक्षक सागर पोख्रेल (010-2193-5373) र नाम दर्ताको लागि सम्बन्धित क्षेत्रमा तोकिएको ब्यक्तिहरु (ब्यानरमा उल्लेखित) लाई सम्पर्क गर्न समाजले हार्दिक अनुरोध गरेको छ ।