कबड्डी ४ को किम्हे बुसान शो जुलाई ३१ मा हुने

पछिल्लो समय धेरै चर्चामा आएको सुपरहिट बहुप्रतिक्षित नेपाली कथानक चलचित्र कबड्डी ४ दि फाईनल म्याच जुलाई ३१ मा तारिकमा कोरियाको दक्षिणी भेग किम्हे बुसान स्थित सुविधा सम्पन्न हल (인제 대학교 인제로 197 늘빛 관 이태석 홀) मा प्रदर्शन हुने भएको छ ।

उक्त चलचित्रको पहिलो शो बिहान ११:०० बजे र दोश्रो शो ०१:३० बजे गरिने आयोजकले जनाएको छ । चलचित्र अत्याधिक रुचाईएको कारण एकै दिनमा दुई शो गर्नुपरेको र हाउसफूल प्रदर्शन हुने आयोजकको अपेक्षा र दावी छ । कोरोना कहरबाट जनजीवन सामान्य बन्दै गएको अहिलेको स्थितिमा नेपाली जनसमुदाय विचको आपसी सद्भावको निरन्तरता साथै नेपाली चलचित्रलाई प्रोत्साहन दिने उद्धेश्यले चलचित्र प्रदर्शनको तयारीमा रहेको आयोजक संस्थाका अध्यक्ष कर्ण गुरुङले बताए ।

यसभन्दा अघि जुलाई १० मा तमू धीं कोरियाले उक्त चलचित्र पहिलोपटक सउल शो गर्दै एकै दिनमा दुई सिफ्टमा हाउसफूल प्रदर्शन गरेको थियो । त्यस लगत्तै जुलाई १७ इक्सानमा समेत भव्य प्रदर्शन गरिएको थियो । चलचित्र हेरेर भरपूर मनोरञ्जन लिनुहुन कोरियास्थित सम्पूर्ण नेपाली दाजुभाई तथा दिदीबहिनीहरुमा आयोजकले हार्दिक अनुरोध गरेको छ ।