किरात याक्थुङ चुम्लुङको १२ औ महाधिवेशन भव्यताका साथ सम्पन्न, अध्यक्षमा दिर्जमान निर्वाचित
![](https://www.fonijkorea.net/wp-content/uploads/2022/09/FB_IMG_1662858237472-600x450.jpg)
किरात याक्थुङ चुम्लुङ दक्षिण कोरियाको १२ औ महाअधिवेशन कोरियाको राजधानी सिओलको तोङदेमुन स्थित नेपाली एण्ड थाई रेष्टुरेन्टमा भव्यताका साथ सम्पन्न भएको थियो । चुम्लुङको निवर्तमान अध्यक्ष अग्नी पन्थाक मिराकको सभापतित्वमा भएको सो महाधिवेशनमा कोरिया स्थित विभिन्न सामाजिक,जातिय क्षेत्रिय तथा राजनिती संस्थाका पदाधिकारी तथा प्रतिनिधीहरुको उल्लेखनीय सहभागीता रहेको थियो ।
चुम्लुङको ११ औ कार्यसमितिको आर्थिक प्रतिवेदन कोषाध्यक्ष पबित्र थेवेले प्रस्तुत गर्नु भएको थियो । प्रगती प्रतिवेदन महासचिव सागर माङमु लिम्बुले प्रस्तुत गर्नु भएको थियो भने कार्यपत्र अध्यक्ष अग्नि पन्थाक लिम्बुले प्रस्तुत गर्नु भएको थियो । त्यस्तै याक्थुङ युवा समुदाय बीच पारस्परिक सम्बन्ध प्रगाढ गर्न उद्देश्यले स्थापित कियाचुको फुटबल क्लब केवाईसी एफसीको आर्थिक प्रतिवेदन एफसीका संयोजक युवेन तुम्बापोले प्रस्तुत गर्नु भएको थियो ।
चुम्लुङको महाअधिवेन निर्वाचन समितिका संयोजक शम्सेर पन्थाक ,सदस्यहरुमा क्रमश डम्बर सुब्बा, गणेश लिम्बु, सुन्दरदिप आङदेम्बे, सन्तोष मादेन रहेको उक्त समितिले दिर्जमान काङभाको अध्यक्षता १२ औ कार्यसमितिका पदाधिकारीहरु सर्वसहमतीमा मनोनय गरेको छ । वरिष्ठ उपाध्यक्षमा सन्तोष खेवा लिम्बु उपाध्यक्षद्धय,चिनाहाङ पंथाक र देवेन्द्र काङभा सचिवमा कविराम ताम्लिङ लिम्बु, सहसचिवमा अर्जुन लिम्बु, कोषाध्यक्षमा विरेन लिङदेन, सहकोषाध्यक्षमा डम्बर ध्वज केदेमा र सदस्यहरुमा क्रमश मणि संयक लिम्बु, उत्तम कुमार थाक्लेन लिम्बु, सुर्य काङबा लिम्बु, सुमन हेम्ब्या लिम्बु,नविन थाक्लेन लिम्बु, माङसा लुङमा तुम्बापो रहेको छ ।
किरात याक्थुङ चुम्लुङ दक्षिण कोरियामा २००० सालमा स्थापना भएको सक्रिय जातिय सामाजिक संस्था हो । कियाचु कोरिया गत साल २०२१ मा कोरियाको कानुनी प्रक्रिया पुरा गरि आधिकारीक रुपमा संचालन गर्दे आई रहेको जातिय संस्था हो । चुम्लुङ कोरियाले कोरियाको ख्यङगिदो प्रान्तको सुवन स्थित २००८ साल देखि आपत विपत परेका लिम्बु तथा गैर लिम्बुहरुको लागी चुम्लुङ हिम नामक सेल्टरको स्थापना गरेको छ । सो सेल्टरमा प्रत्येक बर्ष २ हजार भन्दा बढी नेपालीहरुले सुविधा लिई सकेका छन् ।