गायक उमेश मेवाहाङ राईले लिएर आए दशैँ तिहार गीत
गीतकार एस.पि कोइरलाको शब्द रचना रहेको गीत दशैँ तिहारमा दिप घतानीले संगीत भरेका छन् ,सन्जिब बराइलीको संगीत संयोजन रहेको गीतमा गायक उमेश मेवाहाङ्ग राईले स्वरवद्व गरेका गीत नेपाली चाड हिन्दुहरुको महान पर्वको शुभ अवसर पारेर गायकको आफ्नै यु ट्युब च्यानल उमेश मेवाहाङ राईबाट सार्वजनिक भएकोछ।
परदेशीहरु बाध्यताको लगाम लागिरहेको बेला बर्षेनी आउने नेपाली चाड पर्व दशैँ र तिहारको बेला यस्ता गीतहरुले त गाँउघर फनक्कै पुर्याईदिन्छ कल्पनामा परदेशीलाई !
दशैँको मुखमा यो गीतले रोमाञ्चक त बनाउने नै भयो कतिलाई चाड बाडमा घर परिवार देखी टाढा बस्नु परेको बेला भाव विह्वल समेत बनाईदिन्छ।
यस गीतको म्युजिक भिडियोको निर्देशन गायक स्वयमले गरेका छन भने अर्जुन राई,मिन आले,अनोद सुदन राई, प्रज्वल मेवाहाङ,अप्सरा चाम्लिङ र गायक स्वयम्लाई भिडियोमा देख्न सकिन्छ।
गायक उमेश मेवाहाङ राईको स्वरमा कोमलता छ
जस्तो सुकै गीत पनि गाउन थाले पछी उनि आफ्नोपनमा ढाल्न सक्छन, यो उनको खुबी हो , ” दशैँ तिहार आयो ” यो उनको पहिलो रेकर्डेड गीत भए पनि उनि परिपक्व गायक हुन् भन्ने कुरा यस गीतबाट प्रष्ट बुझिन्छ। गायक उमेश मेवाहाङ राई गीत संगीतको तिर्खा मनमा लिएर बैदेशिक रोजगारीको निम्ति दक्षिण कोरियामा पाँच बर्ष बिताएर फर्किएका थिए। उनले विदेशमा आर्थिक उपार्जन मात्र गरेनन् कोरियामा रहँदा सामाजिक संघ संस्थामा आवद्व रहेर NRNA कोरिया बुसानको अध्यक्ष समेत रहेका राईले कोरियामा हुने बिबिध साँगीतिक कार्यक्रमहरुमा आफ्नो प्रस्तुति समेत दिएर नेपालीहरु माझ लोक प्रिय बनिसकेका थिए।
गीत संगीतको प्यासले उनलाई तानिरह्यो स्वदेश फर्केको केही समयमा नै उनले आफ्नो कला र गलाबाट प्रभावित पारेका दर्शक श्रोत सामु नयाँ सांगीतिक कोशेली ” दशैँ तिहार आयो ” गीत उपहार स्वरुप थमाएका हुन्।
