घेदुङले जनवरी २१ मा सोनाम ल्होछार मनाउने

नेपाल तामाङ घेदुङ दक्षिण कोरियाले सलनालको पहिलो दिन जनवरी २१ म कोरियामा सोनाम ल्होछार मनाउने भएको छ । आफ्नो भाषा धर्म, संस्कार र संस्कृति संस्कारको संरक्षण गरौ, आफनो पहिचान र अस्तित्वको लागि एक हौं भन्ने मुल नारा सहित हुन लागेको कार्यक्रमबाट भएको आम्दानीले दीर्घकालीन शैक्षिक कोषको स्थापना गर्ने भएको छ ।
‘हाम्रो समुदाय शैक्षिक रुपमा निक्कै पछाडी छ । त्यसैले हामीले सकेको सहयोग गरेर बिपन्न जेहेन्दार विद्यार्थीका सहयोग गर्नका लागि अक्षयकोष स्थापना गर्ने भएका छौं । यो कोषले हाम्रो समुदायको विद्यार्थीहरुका लागि एउटा कोसेढुङ्गा हुने आशा लिएका छौ ।’ घेदुङका अध्यक्ष रवि लामाले भने । ‘कोरियाको लामो विदा भएकोले पनि सबै साथीभाइ उपस्थित भएर कार्यक्रम सफल बनाउनु हुन्छ भन्ने आशा लिएको छु ।’ उनले थपे ।
ल्होछार कार्यक्रम दिउँसो ३ बजेबाट सुरु भई बेलुकी १० बजेसम्म चल्नेछ । कार्यक्रममा विभिन्न खालको तामाङ संस्कृतिक गीतसंगीत, नृत्य तथा परिकार हुने आयोजकले बताएका छ ।
तमाङले मञ्जुश्री सम्बत् लाई आधार मानेर ल्होछार मनाउँदै आएको छ । यो बर्ष २८५९ मञ्जुश्री सम्बत हो । बाह्रवटा विभिन्न जनावरलाई आधार मानेर बर्ष गनिने चलन अनुसार यो बर्ष खरायो बर्ष हो । कोरियामा रहेका तामाङले सोनाम ल्होछार कोरियाली सलनालमा मनाउँदै आएका छन् ।