कोरिया किम्हेमा सलनालकाे २३ तारिक पूल प्रतियोगिता हुने
गैर आवासीय नेपाली संघ राष्ट्रिय समन्वय परिषद दक्षिण कोरिया बुसान शाखाले कोरियन नयाँ वर्ष सलनालको अवसर पारेर किम्हे लुम्बिनी रेष्टुरेन्टकाे हलमा यही जनवरी २३ तारिक पूल प्रतियोगिता आयोजना गर्ने भएको छ । “स्वास्थ्य र मनाेरञ्जनकाे लागि खेल” भन्ने मुल नाराका साथ नेपालमा रहेकाे डा. महावीर पुनकाे राष्ट्रिय आविष्कार केन्द्रको (NATIONAL INNOVATION CENTER) सहयोगार्थ उक्त पूल प्रतियोगिता आयाेजना गर्ने भएको हो ।
प्रतियोगितामा पहिलो, दोश्रो र तेस्रो स्थान हासिल गर्ने खेलाडीले आकर्षक ट्रफी, मेडल र प्रमाण पत्र सहित क्रमशः तेह्र लाख, सात लाख र तीन लाख कोरियन वोन पुरस्कार प्राप्त गर्नेछन् भने उत्कृष्ट एक खेलाडीलाई साठी हजार कोरियन वोन सहित मेडल र प्रमाण पत्र प्रदान गरिने सो संघको अध्यक्ष सानुराज मगरले जानकारी दिए । जनवरी २२ सम्म खेलाडी नाम दर्ता गर्न सकिने, खेलाडीलाई प्रवेश शुल्क स्वरुप साठी हजार कोरियन वोन निर्धारण गरिएको र सो शुल्कसँगै नि:शुल्क एक सेट नेपाली खानाको व्यवस्था गरिएको जनाइएको छ ।
काेरियामा रहेको नेपालीहरुकाे साझा समस्या, नेपाली राजदुतावाससँग सम्बन्धित समस्याहरु, श्रमिक कानुनी परामर्श तथा विभिन्न सामाजिक सेवामूलक कार्यक्रमहरू गर्दै आइरहेको गैर आवासीय नेपाली संघ राष्ट्रिय समन्वय परिषद (NRNA) ख्यङ्साङ्नाम्दाे बुसान शाखा दक्षिण काेरियाद्धारा आयोजित उक्त प्रतियगितालाई सफल बनाउन सम्पूर्ण खेलप्रेमी महानुभावहरुलाई सहयोगको अपिल गर्दै उपस्थितिको लागि आयोजकले हार्दिक अनुरोध गरेको छ ।
#NRNA_POOL_TOURNAMENT_2023″ मा खेलाडीको दर्ता
बैंक खाता नम्बर: (3021220364491 NH Bank ) Ghale Shrestha Kamla
सम्पर्क नम्बरहरू :
सुबोध भण्डारी 01098617553
कमला घले 01023756116
साजन थापा 01074741988
सानुराज मगर 01034654440
गोकुल पौडेल 01059480332
