नेपाल तामाङ घेदुङ दक्षिण कोरियाले सोनाम ल्होछार कार्यक्रमबाट ‘दीर्घकालिन तामाङ शैक्षिक कोष’ स्थापना गर्ने भएको छ ।
मञ्जुश्री सम्वद २८५९औं ह्योइ (तावर) ल्हो (विरालो वर्ग) सोनाम ल्होछारको अवसरमा जनवरी २१ मा विविध कार्यक्रमका साथ मनाउन लागेको ल्होछार साँझमा शैक्षिक कोषको स्थापना घोषणा हुने घेदुङ अध्यक्ष रवि लामाले जानकारी दिए । उनले कोरियाको सौलमा ल्होछारको पहिलो दिन मनाउन लागेको कार्यक्रमै कोषको रकम घोषणा हुने बताए ।
घेदुङको भरखरै सम्पन्न ल्होछार सम्बन्धी बैठक तथा छलफलले सो कोष स्थापना गर्ने निणर्य भएको अध्यक्ष लामाले बताए । उनले भने, तामाङ भाष, धर्म, कला र संस्कृति, प्रथा-परम्परा, भेषभुषा, इतिहास सम्बन्धी अध्ययन तथा अनुसान्धान, प्रमाणपत्र तहदेखि विधावारिधीसम्मलाई अध्ययन तथा तयारी कक्षाको लागि र लोक सेवातर्फका सबै तयारी कक्षा लगायतमा पूर्ण छात्रावृति वितरण गर्ने उद्देश्यले यो कार्यक्रम ल्याउन लागेको बताए । यस बारे विस्तृत रुपमा संस्थामा छलफल भइरहेको बताए ।
सौल जोङ्गाकमा रहेको हलमा मनाउन लागेको ल्होछारमा साँस्कृतिक तथा सांगीतिक साँझ हुने बताएको छ । दिउँसो ३ बजेदेखि बेलुकी १० बजेसम्म समय तोकेको छ । सांगीतिक कार्यक्रमको लागि नेपालबाट केही कलाकार समेत ल्याउन लागेको अध्यक्ष लामाले बताए । कोरोनाको महामारीले गर्दा विगत २ बर्षदेखि केही कार्यक्रम गर्न नदिएका कोरियन सरकारले यस बर्षदेखि खुकुल्लो पारेको छ । महामारीको समयमा अनलाइनमार्फत मनाइरहेको ल्होछार कार्यक्रम यस बर्ष खुल्ला रुपमै मनाउन थालेको छ ।
