घेदुङ कोरियाले ल्याउने कलाकारको भिसा लाग्यो : १९ तारिखमा कोरिया आउने

नेपाल तामाङ घेदुङ दक्षिण कोरियाले सलनालको पहिलो दिन अर्थात जनवरी २१ तारिखमा गर्ने सोनाम ल्होछार मनाउन नेपालबाट आउने कलाकारको भिजा लागेको छ । गायक आरम्भ तामाङ, प्रकाश तितुङ तामाङ र गायिका पूजा तामाङ नेपालबाट आउने छन् ।
घेदुङको कलाकार व्यवस्थापन समितिका संयोजक शुभराज भोम्जनले दिएको जानकारी अनुसार कलाकार १९ तारिख नेपालबाट कोरिया आउने छन् । यस बर्ष घेदुङले तामाङ भाषा, धर्म, संस्कृतिको संरक्षण गरौ ! आफ्नो पहिचान र अस्तित्वको लागि एक हौ !! भन्ने मूल नाराका साथ ल्होछार मनाउँदैछ । साथै साहि कार्यक्रमबाट दीर्घकालीन शैक्षिक कल्याणकारी कोष पनि स्थापना गर्ने भएको छ ।
नेपालबाट आएका कलाकारसँगै कोरियामा रहेका गायक सुर्य रुम्बा, युनिक दोङ, ज्ञान लामा, करप रुम्बा, मिलन दोङ, छेडुप मोक्तानको साथमा मोडल गौतम गोले, कला ध्लान, डोमा मोक्तान र मन्जु तामाङले प्रस्तुति दिनेछन् ।
तामाङहरुले बाघ बर्ष सकिएको र नयाँ बर्ष बिरालो बर्षलाई स्वागत गर्दै सोनाम ल्होछार मनाउने गर्दछन् । कार्यक्रममा तामाङहरुको मौलिक परिकारहरु सहित पराम्परागत प्रस्तुति पनि हुने आयोजकले जनकारी दिएको छ । कार्यक्रम स्थल सौल मेट्रो लाईन नं.१ जोङगाग स्टेशनको गेट नं. ३ बाट दुई मिनेट पैदमा पुगिने पानोरामा बुफे रहेको छ ।