पाेखरा जहाज दुर्घटनामा दुइ काेरियाली सहित ६८ जनाकाे मृत्यू
सेती नदीको खोंचमा दुर्घटना भएको यति एयरलायन्सको विमानमा सवार ६८ जनाको शव फेला परेको छ ।
नेपाल नागरिक उड्डयन प्राधिकरणको खोज तथा उद्धार समन्वय केन्द्रले विज्ञप्ति निकालेर आइतबार अपराह्न साढे ४ बजेसम्ममा ६८ शव दुर्घटनास्थलबाट निकालिएको जानकारी दिएको हो । केन्द्रका अनुसार अन्य शव खोजी जारी छ । दुर्घटनामा परि दुइ काेरियाली नागरिककाे पनि मृत्यू भएकाे छ ।
मृत्यू भएका १४ वर्षका बालक यू स्याङ्याङ र ४५ वर्षका यू योङचोएल आइतबार बिहानमात्रै नेपाल आएका थिए। बिहान ९ बजे एयर इण्डियाको विमानबाट काठमाडौंको त्रिभुवन अन्तर्राष्ट्रिय विमानस्थल अवतरण गरेका कोरियाली बाबुछोरा लगत्तै पोखरा लागेका थिए। उनिहरु विदा मनाउन नेपाल आएका थिए।
काठमाडौंबाट बिहान १०:३२ बजे पोखराका लागि नेपाली ५३, विदेशी १५ र ४ चालक दलका सदस्यसहित उडेको यती एयरको NTY 691, 9N-ANC विमान १०:५० दुर्घटना भएको थियो ।
जहाजमा २५ महिला, ३७ पुरुष ३ बालक र ३ शिशु थिए ।
