कोरियामा माघि पर्व अनु चौधरीको साथमा मनाइयो
थारु कल्याणकारी सभा दक्षिण कोरियाले चर्चित गायिका अनु चौधरीको साथमा माघी पर्व मनाएको छ । सोमबार भएको कार्यक्रममा कोरियामा रहेका क्षेत्रिय र जातिय संस्थाका प्रतिनिधिहरुले उल्लेखनिय रुपमा सहभागिता जनाएका थिए ।
कार्यक्रममा नेपाल आदिवासी जनजाति महासंघ दक्षिण कोरियाका कार्यवाहक अध्यक्ष विसन राईले जनजातिमा दोस्रो ठूलो संख्या भएर पनि राज्यको दमनकारी नीतिका कारण धेरै पछि रहेको बताएका थिए । त्यस्तै वाग्मती प्रदेश एकता समाजका रविप्रताप घिसिंङले कोरिया सानो संख्यामा हरेका क्षेत्र र जातिहरुले गर्ने कार्यक्रममा सहयोग गर्नु पर्ने बताए । ‘यहाँ भएका साना जातिय र क्षेत्रीय संस्थाका साथीहरु सबै कार्यक्रममा पुग्छन् । सकेको सहयोग गर्छन तर उनीहरु कोरियामा थोरै मानिस भएकोले ठूला कार्यक्रम गर्न आँट गर्दैनन् । त्यसैले हामी सबैले सकेको सहयोग गरेर राम्रो कार्यक्रम गर्न दिन पर्यो ।’ उनले भने ।
नेपाल तामाङ घेदुङका अध्यक्ष रवि लामा, शेर्पा संघ दक्षिण कोरियाका अध्यक्ष थुप्तेन जेल्जी शेर्पा, नेपाल पत्रकार महासंघ दक्षिण कोरियाका अध्यक्ष किसन गौतम, तमूधी दक्षिण कोरियाका अध्यक्ष लेशन गुरुङ, दोलखाली समाज दक्षिण कोरियाका निर्मल कार्की, नुवाकोट समाज दक्षिण कोरियाका सुन्दर अधिकारी, धादिङ समाजका अध्यक्ष विपि पौडेल, किराँत राई यायोक्खाका अध्यक्ष पदम राई, फोनिज कोरियाका अध्यक्ष गोकुल थोकर, मगर संघ दक्षिण कोरियाका अध्यक्ष टेक पुन, नेपाल तामाङ पत्रकार संघ दक्षिण काेरियाका अध्यक्ष अमिर याेञ्जन लगाएतले शुभकामना दिएका थिए ।
थारु परिकार सहित भएको कार्यक्रममा कोरियामै रहेका थारु कलाकारहरु रेशमा चौधरी, आरती चौधरी, राजेश चौधरी, मसुरलाल चौधरी,चौधरी बाबाको बेजोड प्रस्तुती रहेको थियो । ‘हामीले चर्चित गायिका अनु चौधरीको साथमा माघि मनाउन सकियो । यसमा हामी खुशी छौं । साथै कोरियामा रहेका क्षेत्रीय र जातिय संघसंस्थाका साथीभाइ पनि आउनु भयो । त्यसले हामीलाई थप हौसला दिएको छ ।’थारू कल्याणकारी सभाका अध्यक्ष शिव शंकर महताेले भने ।
