कोरियामा अनिल लामिछाने मगर २०७९ को मगर व्यक्तित्व घोषणाबाट सम्मानित

२०७९ सालको मगर व्यक्तित्व घोषित हुँदै अनिल लामिछाने मगर कोरियामा सम्मानित भएका छन् । नेपाल मगर संघ दक्षिण कोरियाले हरेक बर्ष मगर समुदायमा पुर्याएको योगदानको कदर गर्दै मगर व्यक्तित्व घोषणा गर्दै आईरहेको छ । यस वर्षको अनलाईनको माध्यमबाट समाजमा पुर्याएको कामको योगदान स्वरूप माघे सकरातीको अवसर पारी लामिछाने मगर सम्मानित भएका हुन् ।
कोरियाको व्यस्त जीवनशैलीको बाबजुद समयलाई सदुपयोग गर्दै फेसबुक अनलाईन ग्रुप मगर संसार फोटो ग्यालरीको माध्यमबाट निकै गर्व लाग्ने उल्लेख्य कार्य गरेकोले मगर संसारका संस्थापक अध्यक्ष तथा सामाजिक अभियान्ता अनिल लामिछाने मगरलाई २०७९ अर्थात २०२३ को मगर व्यक्तित्व घोषणा गर्दै विशेष सम्मान पत्र प्रदान गरिएको नेपाल मगर संघ गणतन्त्र कोरियाका अध्यक्ष टेक पुन मगरले जानकारी दिए । सो सम्मान नेपाली राजदूतावास सउल, कोरियाका उपनियोग प्रमुख रामसिंह थापा र संघका अध्यक्ष टेक पुन मगरद्धारा सामूहिक रुपमा हस्तान्तण प्रदान गरिएको हो ।

“भेषभूषा, भाषा, धर्म, लिपि, संस्कार, संस्कृतिलाई संरक्षण गरौं, विश्वभरिका मगरलाई एकजुट गराऔं” भन्ने नाराका साथ २०७४ सालमा स्थापित फेसबुक अनलाईन ग्रुप/पेज मगर संसार फ़ोटो ग्यालरी मगर समुदायको एउटा परिचित सबैभन्दा झण्डै ठुलो २ लाख लगभग ८० हजार सदस्यहरु रहेको छ र सहकर्मी ३० जना एडमिन रहेका छन् । स्याङ्जा चापाकोट ४ पिपलडाँडामा जन्मेका हाल रूपन्देही जिल्ला देवदह ७ सितलनगर निवासी हाल कोरिया थेगुमा कार्यरत मगर संसारका संस्थापक अध्यक्ष अनिल लामिछाने मगर हुन् । कोरियामा रहेर ब्यस्त समयको बाबजुद समाजको लागि सामाजिक सञ्जालको माध्यमबाट विश्वभरिका मगरलाई एकजुट मात्र होइन धेरै उदाहरणीय काम गरिरहेका छन् ।

अनिल लामिछाने मगरको नेतृत्वमा मगर संसारको माध्यम /पहलबाट आजसम्म

१४१ जना दिनदुःखी, गरीब, बिरामी, अशक्त, अपांग, पिडितहरुलाई १ करोड २० लाख बढी आर्थिक संकलन गरेर सहयोग हस्तांतरण गरिसकेको छ । मुटु रोगी, क्यान्सर रोगी, मृगौला पिडित, पाठेघार क्यान्सर, रुखबाट लडेका घाइतेलाई उपचार, सुत्केरी महिलाको स्वास्थ्य समस्या, बोनम्यारो, ब्लड क्यान्सर, कलेजो बिरामी, ट्यूमर बिरामी लगायत धेरैलाई आर्थिक सहयोग मात्र होइन अन्य धेरै काम गरेको छ । जसमा
१) नवलपुरका कालू अपांगलाई घर निर्माण
२) पाल्पाका बिशकर्मा बाजेलाई घर निर्माण
३) बुटवल र पोखरामा अपांग अशक्त बृद्धाहरुलाई सेनिटाइजर ,माक्स तथा खाना सहयोग
४) आगोलागिबाट घर जलेका, बाढी पहिरोमा परेकालाई खाद्यान्न, जिन्सी र आर्थिक सहयोग
५) गरिब बिद्यार्थीलाई छात्रवृति, अपांग अशक्तलाई आर्थिक सहयोग
६) १५ महिने मगर भाषा अनलाईन क्लास सम्पन्न
७) ५ दिने उद्घोषण अनलाईन तालिम सम्पन्न
८) ५ दिने मगर पंडित वापा मापा अनलाईन तालिम सम्पन्न
९) ४० ओटा रचनात्मक तथा चेतनामुलक अनलाईन प्रतियोगिता सम्पन आदि ।