कोरियाको बुसान किम्हे, जेजुदो र नोन्सानमा जारी चलचित्र हाउसफुल
मे १४ आइतवार कोरियाको ३ शहरहरुमा जारी चलचित्रको भब्य प्रदर्शन सम्पन्न भएको छ। दर्शकको अत्याधिक चापका कारण बुसान, नोन्सान र जेजुदोमा ३ ओटै शहरमा २ शो गर्नु परेको थियो। कतिपय दर्शक टिकट नपाएर फर्किएका थिए।
जारी चलचित्र हेर्दै नोन्सानका दर्शक
ब्लकबस्टर चलचित्र जारीलाई बुसान किम्हेमा सेवारो इन्टरटेनमेन्टले आयोजना गरेको थियो भने जेजुदोमा किरात याक्थुङ चुम्लुङ जेजु शाखा र नोन्सानमा नोन्सान नेपाली समाजले आयोजना गरेका थिए।
जेजुदो हाउसफूलका साथ प्रदर्शन
लिम्बू संस्कारको जारी प्रथामा आधिरित चलचित्रले देश विदेशमा दर्शकको अथाह माया पाइरहेको छ। चलचित्रमा कलाकार दयाहाङ राई, मिरुना मगर, विजय बराल रेखा फागो आदिको अभिनय हेर्न सकिने छ। उपेन्द्र सुब्बाद्वारा लेखन तथा निर्देशन रहेको चलचित्रलाई रामबाबु गुरुङले निर्माण गरेका हुन्।
