सउल नेपाल गुम्बाले २५६७ औं बुद्ध जन्मजयन्ती विशेष धार्मिक प्रवचन गरि मनाए

सउल नेपाल गुम्बा (थेग्छेन छ्योइलिङ­­) दक्षिण कोरियाले “२५६७औं बुद्ध जन्म जयन्ती” मे २८ तारिख आईतबार गुम्बा अवस्थित गाङ्नाम, इलवान दोङ्मा मनाएको छ ।

कार्यक्रम पूजापाठ पश्चात औपचारिक कार्यक्रमका बीचमा नेपालबाट पाल्नुभएका धर्मगुरू लोपोन आचार्य पेमा छिरिङले बुद्ध दर्शन बारे प्रवचन गर्नुभएको थियो ।

कार्यक्रमको सभापतित्वमा सउल नेपाल गुम्वाका संस्थापक लामा प्रमुख कुन्साङ दोर्जे लामा, प्रमुख अतिथी IDIA국제포교사회 संस्थाकी उपाध्यक्ष이경호보덕행, नेपाल तामाङ घेदुङ सउलका उपाध्यक्ष बि.बि. स्याङतान, घेदुङकै निवर्तमान अध्यक्ष रवि योन्जन, घेदुङ बुसान शाखाका सल्लाहकार सरिता लोप्चन, ह्योल्मो सम्पर्क समिति कोरियााक अध्यक्ष निमा ह्योल्मो, बाग्मती प्रदेश एकता समाज कोरियाका निवर्तमान अध्यक्ष रविप्रताप घिसिङ, आदिवासी जनजाती पत्रकार महासघं (फोनिज) कोरियाका अध्यक्ष गोकुल थोकर, तामाङ पत्रकार सघं दक्षिण कोरियाका अध्यक्ष अमिर योन्जन, धर्मगुरू, लामा भिक्षु, सुसो प्रहरी कार्यालयका निरिक्षक 강혜숙, नेपाली-कोरियाली बौद्ध धर्म अनुयायी लगायत विभिन्न संघसंस्थाका प्रतिनिधी लगायतको उपस्थिती रहेको थियो ।

विश्व शान्तिका अग्रदूत भगवान शाक्यमुनी बुद्ध जन्मेको तिथि, २९ वर्षको उमेरमा सत्यको खोजीमा गृहत्याग गरी ६ वर्षसम्मा कठोर तपस्या पश्चात बुद्धत्व ज्ञान प्राप्त गरेको तिथि र ८० वर्षको उमेरमा महापरिनिर्वाण भएको ३ तिथि  एकै बैशाख पूर्णिमा तिथिमा पर्छ । उक्त महान तिथिलाई बौद्ध धर्मावालम्वीहरूले बिशेष महत्वका साथ बुद्द जयन्तीका रूपमा मनाउदै आइरहेको छ ।

दक्षिण कोरियास्थित नेपाली गुम्वा थेग्छेन् छ्योइलिङ सउल नेपाल गुम्वाले बुद्धजयन्ती कार्यक्रममा गुम्वाले गरिआएको सामाजिक कार्यलाइ अझ ब्यपाक बनाउने लक्ष्य बनाइरहको र कोरियाली तथा नेपाली समुदायलाई सबैले साथ सहयोग गरि दिनुहुन अनुरोध गरेको छ ।

साथै २५६७ औं बुद्धजयन्तीको अवसरमा देश तथा विदेशमा रहेका बौद्ध धर्मावालम्विहरूका साथै सम्पूर्णको सुख, सम्बृद्धि र बिश्व शान्तिका हार्दिक शुभकामना व्यक्त्त समेत गरेको छ ।

Photo: Dudha Lopchan DB 텍첸사 서울네팔법당

Photo: Dudha Lopchan DB 텍첸사 서울네팔법당

Photo: Dudha Lopchan DB 텍첸사 서울네팔법당