कोरियाको किम्हेमा गुरुङ चलचित्र ‘बारा-पोखरी’ जून २५ मा प्रदर्शन हुने
धेरै लामो समयपछि दक्षिण कोरियाको किम्हेमा गुरुङ भाषाको चलचित्र “बारा-पोखरी” प्रदर्शन हुने भएको छ । तमू धीं ख्यङ्साङ्नाम्दो बुसान शाखा दक्षिण कोरियाको आयोजनामा यही जून २५ तारिख बुसान किम्हे सहरको (김해시 분성로 33522-1,28) हलमा सो चलचित्र प्रदर्शन हुने भएको हो ।
पुरानो कथा वस्तुमा सिमित ट्रेन्डलाई तोडेर समसामयिक वर्तमान परिवेश भित्र रहेर चलचित्र तयार पारिएको निर्माण पक्षले बताउँदै नेपालका गाउँहरु दिन प्रतिदिन रित्तिदै गएका कारणहरु,त्यसले निम्त्याएका समस्याहरुले देखि लिएर आफ्नो गाउँ ठाउँप्रतिको मायामोह र स्नेह सँगै गाउँ संरक्षणका निम्ति के कस्ता जिम्मेवारीहरु हुन सक्छन् भन्ने सन्देश चलचित्रमा देखाइएको छ ।
लमजुङ जिल्लाको दोर्दी गाउँपालिका १२ थर हिले गाउँ र समुद्री सतहबाट ३२ सय मिटर उचाईमा रहेको बारा-पोखरी लगायत काठमाडौंमा समेत छायांकन गरिएको यस चलचित्रमा लभस्टोरी पक्षलाई पनि सशक्त रुपमा प्रस्तुत गरिएको छ । कोरोनाको भयावह अवस्थामा आवश्यक सामग्रीहरुको अभावको बावजुद पनि भरपुर मिहिनेतका साथ तयार पारिएको यस चलचित्रका निर्माता तथा लेखक ज्ञानेन्द्र गुरुङ हुन् । उनी आफैं पनि कोरियामा निकै लामो समय बसोबास गरेर नेपाल जानुभएको हुनाले आफ्नो पहिलो प्रयासलाई कोरियावासी साथीहरुले माया गरिदिनुहुनेछ भन्ने कुरामा आशावादी हुनुभएको छ ।
७०% गुरुङ भाषा,३०% नेपाली भाषामा तयार पारिएको यस चलचित्रमा नेपाली भाषाको सब-टाईटल पनि राखिएको हुनाले गैर तमु साथीहरुले पनि सहजै बुझ्न सकिने हुँदा सम्पुर्ण कोरियाबासी तमु तथा गैर तमु साथीहरुलाई चलचित्र हेरेर माया गरी सहयोग गरिदिनुहुन आयोजक साथै निर्माण पक्ष हार्दिक अनुरोध गर्नुभएको छ ।
