एनआरएनए कोरियाको अध्यक्षमा त्रिपक्षीय प्रतिस्पर्धा हुने, कस्को के एजेन्डा ?
गैर आवासीय नेपाली संघ राष्ट्रिय समन्यव परिषद् (एनआरएनए) दक्षिण कोरियाको नवौं अधिवेशन यही जुलाई २३ तारिखमा हुदैछ । यस सँगै वर्तमान आठौँ कार्यसमितिको कार्यकाल पनि समाप्त हुनेछ । त्यसैले जुलाई ३० तारिखका दिन नवौं कार्यसमिति (२०२३–२०२५)को निर्वाचन हुनेछ । काेरियामा रहेका ४ हजार ८ सय ७६ जनाले सदस्यता लिएका छन् ।
यसै सन्दर्भमा एनआरएनए दक्षिण कोरियाको नवौं कार्यसमितिको अध्यक्ष पदका लागि तीन जनाले दावेदारी प्रस्तुत गरेका छन् । अध्यक्ष पदका लागि विपिन गुरुङ, बुद्धि गुरुङ र सञ्जिव कुमार राइले अाफ्नाे उम्मेरदवारी घोषणा गरेका छन् । अध्यक्षका प्रत्यासी विपिन गुरुङ र बुद्धि गुरुङ लामो समय देखि दक्षिण कोरियामा व्यवसाय गर्दै आएका छन् । उम्मेदवार राई भने कामदार भिषामा छन् । त्यसैले राईको मुख्य नारा नै एनआरएनए कोरियालाई मजदुर मैत्री बनाउने भन्ने रहेको छ ।
तिनै जना उमेदवारहरुले छुट्टा छुट्टै प्यानल सहित प्रतिस्पर्धा गर्ने घोषणा गरिसकेका छन् । यसरी एनआरएनए दक्षिण कोरियाको यसपालिको निर्वाचनमा त्रिपक्षीय प्रतिस्पर्धा हुने देखिएको हो । निर्वाचन समितीको कार्यतालिका अनुसार आधिकारीक रुपमा उमेदवारहरुको मनोनयन दाखिला गर्ने समय जुलाई १९ र २० तारिखलाई तोकिएको छ ।
सबैले अा–आफ्नो तर्फबाट घोषणा पत्र सार्वजनिक गरेका छन् । सबैले राम्रा कुराहरु लेखेका छन् । तीनै जनाको घोषणा पत्रमा केही एजेण्डाहरु भने उस्तै उस्तै रहेको पाईन्छ । हेरौं तिनै जनाको एजेन्डाहरु –
बुद्धि गुरुङका एजेन्डाहरू
-
- मेरो प्रतिबद्धता हरेक बिदामा राजदुतावास खोल्नको लागि पहल गर्ने ।
- नेपाली भाषा मैत्री बिद्यालय स्थापनार्थ सम्वन्धित निकायसंग समन्वय गर्ने ।
- भाषागत समस्या, कानुनी परामर्ष एवं नेपाली श्रमिकसंग सम्वन्धित समस्याहरुको समाधानको लागि अनलाईन हेल्पडेस्कको स्थापना गर्ने ।
- कोरियामा बेला बखतमा हुने गरेको नियम ÷ कानुन परिवर्तनका बारेमा नेपालीमा नै यथाशिघ्र जानकारी गराउने ।
- आकस्मिक तथा औधोगिक दुर्घटनाबाट मानविय तथा आर्थिक क्षति न्यूनिकरणका लागि दिर्घकालिन समाधान खोजिने ।
- उच्च हवाई भाडादरले श्रमिक तथा बिद्यार्थी बर्गमा पर्न गएको आर्थिक भारलाई ध्यानमा राख्दै नेपाली ध्वजाबाहक हवाइजहाजको शिधा उडानको लागि सम्वन्धित निकायहरुमा विशेष पहल गर्ने ।
- नेपाली बिद्यार्थीहरूको उच्च शिक्षाको लागि आकर्षक गन्तब्य बनिरहेको कोरियामा उनिहरुको समस्या पहिचान गरि समस्या समाधानको लागि योजना तथा कार्यान्वयन गर्ने गराउने ।
- नेपाल प्राकृतिक तथा सास्कृतिक पर्यटनको उच्च सम्भावना रहेको र नेपाल घुम्नै पर्ने उत्कृष्ट गन्तब्यको रुपमा चिनाउन कोरियामा बिभिन्न कार्यक्रम तथा पहल गर्ने ।
- नेपालमा कृषि तथा औद्योगिक क्षेत्रमा आधुनिकीकरण तथा लगानिमा बृद्धि गरि राष्ट्रको अर्थतन्त्र तथा रोजगारी सृजनामा बिशेष पहल गर्ने ।
- कोरियामा रहेका बिभिन्न नेपाली संघ संस्थाहरुसंग स्वस्थ समन्वय गर्दै बिभिन्न सस्कृतिक प्रवर्धनका निम्ति नेपाल सास्कृतिक केन्द्रको स्थापना गर्ने ।
बिपिन कुमार गुरुङका एजेन्डाहरू
-
- गैर आवासीय नेपाली संघ दक्षिण कोरिया मार्फत हटलाईन सेवा प्रदान गर्नुका साथै नेपाली राजदूतावास दक्षिण कोरिया र प्रवासी श्रमीक युनियन संग सहकार्य गरेर हरेक नेपालीहरुको समस्या समाधानको निम्ति प्रयास गर्ने ।
- दक्षिण कोरियामा रोजगारीको शिलशिलामा वा स्वरोजगारीमा रहेका नेपालीहरुलाई सामाजिक सुरक्षा योजनामा सहभागिता गराउने ।
- नेपालमा पर्यटन प्रवर्द्धन गराउने उद्देश्यका साथ कोरियाली नागरिकहरुमा नेपालको सुन्दर पक्षहरुको प्रचार–प्रसार गर्ने गराउने ।
- नेपालको बिबिध क्षेत्रमा लगानी भित्राउन लागि पहलकदमी गर्ने/गराउने ।
- गैर आवासीय नेपाली संघको अगुवाईमा नेपाली राजदूतावास, श्रमिक, व्यवसायी, विद्यार्थी र विभिन्न पेशा तथा व्यवसायमा आबद्ध भएका नेपालीहरुबीचमा छलफल तथा बहस विमर्श गर्ने ।
- गैर आवासीय नेपाली संघ दक्षिण कोरियाले आफ्नो क्रियाशिल शाखा क्षेत्रहरुलाई केन्द्रको अनुमतिमा कार्य सञ्चालनको निम्ति विशेष अधिकार दिने र कम्तीमा २÷२ महिनामा एकपटक केन्द्र र शाखा बीचमा आवश्यक छलफल गर्ने गराउने ।
- दक्षिण कोरियामा कर्म गरेर बस्नुहुने नेपालीहरुसंग सहकार्य गरेर भाषिक, धार्मिक र मौलिक चाडपर्वको जगेर्ना गर्ने उद्देश्यकासाथ विविध कार्यक्रमहरुको आयोजना गर्ने ।
- गैर आवासीय नेपाली संघ दक्षिण कोरियाले नेपालको लागि राम्रो काम गर्ने उद्देश्यका साथ नेपालमा जतिपनि दुःखी, गरिब पिछडिएको वर्ग, नानी–बाबु, वृद्ध बा–आमा र कमजोर आर्थिक अवस्था भएको परिवारको निम्ति टेवा पु¥याउने हेतुले दिर्घकालीन अक्षय कोषको निर्माण गर्ने ।
- दक्षिण कोरिया आएर कमाएको धन कसरी लगानी गर्ने भन्ने विषयमा छलफल गराउने । दुःख गरि कमाएको पैसा नफसोस् भन्ने उद्देश्यका साथ जानकारीमुलक कार्यक्रम ल्याउने ।
- गैर आवासीय नेपाली संघ दक्षिण कोरियाको अगुवाईमा गौतम बुद्ध नेपालमा जन्मिएका हुन, विश्वको अग्लो हिमाल सगरमाथा नेपालमा पर्छ, नेपालमा सबै धर्मको बराबर सम्मान छ र नेपाल सुन्दर देश हो भन्ने सन्देश कोरियाली नागरिकहरुमा सूचना प्रवाह गर्ने खालको कार्यक्रमहरुको आयोजना गर्ने ।
- नेपाली राजदूतावास र व्यवसायी संघ संग सहकार्य गरेर नेपाली बजारमा उत्पादन भएको सामान कोरियामा आयात गर्ने र कोरियामा उत्पादनहुने सामानलाई नेपाल निर्यात गर्नको लागि गैर आवासीय नेपाली संघ दक्षिण कोरियाले पहल कदमी गर्ने ।
- कोरियामा जन्मिएका नेपाली बालबालिका र कोरियन नेपाली नागरिकबाट जन्मिएका बालबालिकाहरुको निम्ति भाषिक र साँस्कृतिक पक्षहरुको जानकारी गराउने उद्देश्यका साथ कक्षाहरुको सञ्चालन गर्ने/गराउने ।
संजिव कुमार राईका एजेन्डाहरू
-
- NRNA कोरियालाई सबैको साझा र अपनत्व महसुस हुने गरि अघि बढाउनेछु । भावी योजना तथा कार्यक्रम तर्जुमा गर्नका लागि नेपाली दुतावास, ःत्ग् लगायत यहांको सबै संघ–संस्थाहरू संग त्रैमासिक रूपमा अन्तरकृया कार्यक्रम राख्नेछु ।
- नेपाल देखि कोरियाको चर्को हवाई भाडादर यथावत छ । यथासक्य नेपाल सरकार पर्यटन मन्त्रालयसंग समन्वय गरि उचित भाडादर कायम गर्न पहल गर्नेछु । साथै राष्ट्रिय ध्वजाबाहक नेपाल एयरलाइन्सको नेपाल कोरिया सिधा उडान भर्ने ब्यवस्था मिलाउनको लागि तत्काल पहल गर्नेछु ।
- दुतावासको घुम्ति सेवाको निरन्तरता कायम राख्दै सेवाहरूलाई अझै प्रभावकारी बनाउन दुतावासको सबै सेवाहरू घुम्ति सेवामा समाबेश गराउन र बिदाको १ दिन हरेक आईतवार सेवा दिनको लागि पहल गर्नेछु ।
- NRNA का क्षेत्रीय कमिटी रहेका ५ वटै क्षेत्रमा अस्थायी बसोवासको निम्ति सेल्टर स्थापना गर्नेछु ।
- आकस्मिक दुर्घटनामा परि ज्यान गुमाउने नेपालीहरूको पार्थिव शरिर नेपाल लैजानको लागि ठोस नीति बनाएर कार्यन्वयन गराउन नेपाल सरकारका सम्बन्धित निकायसंग पहल गर्नेछु ।
- NRNA सदस्यता नविकरणको व्यवस्था गर्दै सदस्यता कार्ड वितरण गर्नेछु ।
- नेपाल हाउस निर्माण गर्ने भन्दै उठाइएको रकम कहां, के कस्तो अवस्थामा छ सत्य तथ्य खोजी गरि ३ महिनाभित्र यथार्थ सार्वजनिक गर्नेछु ।
- दूर्घटना तथा बिभिन्न आपतकालिन समस्यामा परेका श्रमिक तथा बिधार्थीहरूलाई सहयोग हुने गरि “ल्च्ल्ब् आपतकालिन राहत कोष“ को स्थापना गर्नेछु ।
- श्रम स्वीकृति लिएर कोरियामा आएका नेपालीहरूलाई सामाजिक सुरक्षा कोषमा आबद्ध गर्न गराउन सम्बन्धित निकायहरू संग समन्वय गर्नेछु ।
- प्रवासमा आर्जन गरेको सीप र पूंजीलाई स्वदेशमा सहि सम्बन्धित निकायहरू संग समन्वय गर्नेछु ।
- अन्य देशका इपिएस कामदारलाई जस्तै नेपालीका लागि पनि 국민 연금 को ब्यवस्था गर्न कोरिया सरकारसंग पहल गर्नको लागि नेपाल सरकारसंग पहल गर्नेछु ।
- पर्यटन प्रवर्धन र नेपालमा लगानी भित्राउनका लागि नेपाली दुतावास र कोरियामा रहनुभएका नेपाली विज्ञ एवम् व्यवसायीहरूसंग समन्वय गरि विविध योजना एवम् कायक्रमहरू गर्नेछु ।
- बिधार्थीहरूको समस्या पहिचान र न्यूनिकरणको लागि एक उपाध्यक्षको नेतृत्वमा समिति गठन गरेर नेपाल सरकार शिक्षा मन्त्रालयसंग समन्वय गरि कोरिया आउनु अगावै अभिमुखिकरण तालिम सन्चालन गर्न पहल गर्नेछु ।
- एक उपाध्यक्षको नेतृत्वमा अतिरिक्त विभाग बनाएर कोरियामा हुने खेलकुद, सांस्कृतिक कार्यक्रम, साहित्यिक तथा विभिन्न कार्यक्रमहरूमा प्रत्यक्ष समन्वय सहभागिता र सहयोग गर्नेछु ।
- प्रवासबाटै नेपालको संसदीय निर्वाचनमा मत हाल्न पाउने व्यवस्थाको निम्ति पहल गर्नेछु ।
