गण्डकी प्रदेश समाज दक्षिण कोरियाले अगष्ट २० मा अन्तर्क्रिया तथा सम्मान कार्यक्रम आयोजना गर्ने
कोरिया स्थित प्रादेशिक संस्था गण्डकी प्रदेश समाजले आउँदो यही अगष्ट २० तारिक अन्तर्क्रिया तथा सम्मान कार्यक्रम आयोजना गर्ने भएको छ । गत वर्ष अर्थात् सन् २०२२ मा स्थापना भएको समाजले स्थापनाको छोटो अवधिमा हालसम्मको गतिविधिबारे स्पष्ट गराउँदै आगामी कार्यदिशाबारे केन्द्रित रहेर दिउँसो १२ बजेदेखि शुरु हुने गरी सउल दोङदेमुनस्थित नेपाल थाई रेष्टुेन्टको सभाहलमा सो कार्यक्रम आयोजना गर्ने भएको हो ।
आफ्नो मातहतमा रहेका ११ जिल्लाहरुसँग सहकार्य र समन्वय गर्दै आइरहेको समाजले आफ्नो संस्थागत गतिविधिलाई थप जागरुक र चलायमान बनाइरहेको स्पष्ट पार्दै उक्त कार्यक्रम मार्फत् राय, सुझाव र सल्लाह संकलन गर्ने उद्धेश्यले कार्यक्रम आयोजना गरिएको समाजका अध्यक्ष प्रविण गिरीले जानकारी दिए । गण्डकी प्रदेश अन्तर्गतका सम्पूर्ण जिल्लाका अध्यक्ष सहित कार्यसमिति परिवार , सल्लाहकार समूह , बौद्धिक र प्रबुद्ध वर्गलाई समेट्दै आगामी कार्ययोजना तय र तर्जुमा गरिने सोही समाजका महासचिव विदुर शर्माले बताए ।
गण्डकी प्रदेश समाज दक्षिण कोरियाद्धारा आयोजित उक्त अन्तर्क्रिया तथा सम्मान कार्यक्रममा उपस्थित भई कार्यक्रम सफल बनाइदिनु हुन कोरियास्थित सम्पूर्ण दाजुभाई, दिदीबहिनीहरु र शुभचिन्तक महानुभावहरुमा आयोजक संस्थाले हार्दिक अनुरोध गरेको छ ।
