राष्ट्रपति युनलाई पितृशोक 

दक्षिण कोरियाको राष्ट्रपति युन सुक येओललाई पितृशोक परेको छ । योन्सेई विश्वविद्यालयका प्राध्यापक समेत रहेका एमेरिटस युन की-जुङको मंगलबार निधन भएको हो । उनी ९२ वर्षका थिए ।

राष्ट्रपति कार्यालयका अनुसार वरिष्ठ युनलाई हालै वृद्धावस्थासँग सम्बन्धित रोगका कारण सियोल नेसनल युनिभर्सिटी अस्पतालमा भर्ना गरिएको थियो। 

सेभरेन्स अस्पतालमा बिहीबारसम्म तीन दिनका लागि श्रद्धाञ्जलीका लागि राखिएको जनाएको छ ।