सेप्टेम्बर १७ मा नेपाल गोरखा परिवार दक्षिण कोरियाको बाह्रौं अधिवेशन हुने
“प्रवासी भूमिमा हाम्रो एकता, हरेक सुख दुःखमा साथ दिने हाम्रो प्रतिबद्धता” भन्ने संस्थाको मूल नारालाई अनुशरण गर्दै आईरहेको क्षेत्रीय संस्था नेपाल गोरखा परिवार दक्षिण कोरियाको बाह्रौं अधिवेशन आउँदो सेप्टेम्बर १७ मा सउल दोङ्देमुन स्थित निक नेपाल ट्राभल्सको सभाहलमा हुने भएको छ ।
एघारौं कार्यसमितिको सफलतापूर्वक कार्यकाल पूरा भएर आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई ध्यानमा राख्दै सो अधिवेशन गर्न लागिएको संस्थाका अध्यक्ष नवराज भट्टराईले जानकारी दिए ।
गोरखा जिल्लाबाट विभिन्न पेशा, व्यवसाय तथा रोजगारीको शिलशिलामा कोरियामा रहेका गोरखालीहरुलाई आबद्ध गराउँदै विभिन्न परोपकारी र सामाजिक क्रियाकलापमा सक्रिय रहँदै आएको सन् २००२ मा स्थापित नेपाल गोरखा परिवारले दिनको १२ बजेदेखि शुरु हुने गरि अधिवेशनको तयारीमा जुटेको संस्थाका सचिव बुद्धि प्रसाद नेपालले स्पष्ट पारे ।
उक्त बाह्रौं अधिवेशनलाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्धिजीवी, शुभचिन्तक, समस्त सदस्यहरुलाई आयोजक नेपाल गोरखा परिवारले गरिमामय उपस्थितिको लागि हार्दिक अनुरोध गरेको छ ।
तपसिल :
मिति : २०२३ सेप्टेम्बर १७, आइतबार
समय : दिनको ठिक १२:०० बजे
स्थान : निक नेपाल ट्राभल्सको सभाहल,सउल दोङ्देमुन
