कोरियाको छुसकमा हुने “काँक्रेविहार सांगीतिक साँझ २०२३” को पोष्टर सार्वजनिक अगष्ट २७ मा हुने
कोरियाको महान् पर्व छुसक २०२३ को अवसर पारेर सुर्खेत समाजले आयोजना गर्न लागेको “काँक्रेविहार सांगीतिक साँझ २०२३” को पोस्टर सार्वजनिक तथा चियापान कार्यक्रम यही अगष्ट २७ मा हुने भएको छ । सउल दोङदेमुनस्थित नेपाल थाई रेष्टुेन्टको सभाहलमा बिहान १० बजेदेखि शुरु हुने गरि सो कार्यक्रम आयोजना गरिएको हो ।
सन् २०२० मा स्थापना भएको प्रादेशिक समाज कर्णाली प्रदेश दक्षिण कोरियाको मातहतमा रहेका १० जिल्ला अन्तर्गतको सुर्खेत समाजको पहिलो बृहत् सांगीतिक कार्यक्रमको उद्धेश्य र विभिन्न विधाका चर्चित कलाकारहरुको नामावली, कार्यक्रम स्थल लगायतको जानकारी दिने गरी सो कार्यक्रमको आयोजना गरिएको सुर्खेत समाजका अध्यक्ष पुष्कर बुढाथोकीले जानकारी दिए । कर्णाली प्रदेशले अभिभावकत्व प्रदान गरिरहेको क्षेत्रिय संस्थाहरु मध्येको पहिलो सांगीतिक कार्यक्रम रहेको र कर्णाली जिल्लाभित्रका मात्र नभएर अन्य क्षेत्रीय, जातीय संघसंस्थाहरुको ब्यापक सहयोग रहेको कर्णाली प्रदेश समाजका अध्यक्ष गणेश कोईरालाले जिकिर गरे ।
सुर्खेत जिल्लामा पर्ने एतिहासिक पृष्ठभूमि र विश्व सम्पदा सूचीमा सिफारिस भएको पर्यटकीय स्थल “काँक्रेविहार” नामबाट बृहत् सांस्कृतिक कार्यक्रम आयोजना गर्दै गरेको परिप्रेक्ष्यमा पर्यटनको प्रचुर सम्भावना बोकेको क्षेत्रलाई आम जनता सामु चिनाउने अवसर उल्लेख गर्दै कार्यक्रमको मूल उद्धेश्य सेल्टर व्यवस्थापन तथा आपतकालीन राहतकोष सहयोगार्थ रहेको सन्दर्भ सुर्खेत समाज दक्षिण कोरियाका महासचिव रुपक केसीले स्पष्ट पारे ।
कर्णाली प्रदेश दक्षिण कोरियाले आयोजना गरेको उक्त सुर्खेत समाज दक्षिण कोरियाद्धारा आयोजित “काँक्रेविहार सांगीतिक साँझ २०२३” को पोष्टर सार्वजनिक तथा चियापान कार्यक्रम उपस्थित भई कार्यक्रम सफल बनाईदिनुहुन कोरियावासी सम्पूर्ण संघसंस्था, पत्रकार, अग्रज, बुद्धिजीवी, मजदुर, व्यवसायी, विद्यार्थी लगायत सम्पूर्ण महानुभावहरुमा आयोजकले हार्दिक अनुरोध गरेको छ ।
तपसिल :
मिति : २०२३ अगष्ट २७, आइतबार
समय : बिहान ठिक १०:०० बजे
स्थान : नेपाल थाई रेष्टुेन्टको सभाहल, सउल दोङ्देमुन
