छुसकको पहिलो दिन काभ्रे सम्पर्क समितिको सातौं अधिवेशन हुने 

काभ्रे सम्पर्क समिति दक्षिण कोरियाले छुसकको पहिलो दिन सेप्टेम्बर २८ मा अधिवेशन गर्ने भएको छ । राजधानी सौल स्थित यति रेस्टुरेन्ट एण्ड बारमा समितिको सातौं अधिवेशन हुन लागेको अध्यक्ष प्रकाश योञ्जनले जानकारी दिएका हुन ।  

अधिवेशन बाट आगामी कार्यकालका लागि नयाँ  कार्यसमितिको निर्वाचन समेत हुने जनाएको छ । 

कोरियामा काभ्रेलीहरूको क्षेत्रीय संस्था काभ्रे सम्पर्क समिति, दक्षिण कोरिया (KCC,KOREA) को आसन्न सातौं अधिवेशनमा कोरियामा रहेका सम्पूर्णलाई सहभागि हुन अध्यक्ष योञ्जनले अनुरोध गरेका छन् । “अधिवेशनमा उपस्थित भाई सफल पारिदिनुहुन कोरियामा विभिन्न पेशामा आबद्ध सम्पुर्ण कोरियावासी काभ्रेली दाजुभाइ तथा दिदिबहिनीहरु, सल्लाहकार, शुभेच्छुक, ब्यबसायी, पत्रकार, कलाकार, बिध्यार्थी, खेलप्रेमी खेलाडीबर्ग लगायत समस्त महानुभावहरूलाई हार्दिक अनिरोध गर्न चाहन्छु ।” अध्यक्ष योञ्जनले अनिरोध  गरे ।  

सन २०११ मा स्थापना भएको यस संस्था स्थापना काल देखि   नै विभिन्न सामाजिक कार्यहरुमा अग्रसर हुँदै आएको छ ।  संस्थाले कोरियामा औधोगिक दुर्घटना, गम्भीर रोगको बिरामी, शारीरिक तथा मानसिक रूपमा समेत समस्यामा परेका काभ्रेलीहरूको लागि आर्थिक सहयोग जुटाईदिने देखि धेरैको जीवन बचाईदिने परोपकारी कामहरू गर्दै आईरहेको छ।

संस्थाले कोरियामा मात्र नभई नेपालमा समेत निरन्तर रूपमा समाजिक तथा परोपकारी गतिबिधि गर्दै आईरहेको छ । कोरोना कालमा काभ्रे जिल्लाको १३ वटै स्थानीय निकायहरुमा  अक्सिजन सिलिन्डर तथा पर्सनल प्रोटेक्टिभ इक्युप्मेन्ट(पिपिई) लगायत सहयोग गरेको थियो । यस्तै यो बर्ष मात्रै जिल्लाको १३ स्थानीय तहका ३५ वटा बिध्यालयमा अध्ययनरत झण्डै ६ सय गरिब तथा जेहन्दार बिध्यार्थीहरुलाई शैक्षिक सामाग्रीहरू वितरण गरिएको थियो ।  

कार्यक्रम विवरण   

मितिः2023 सेप्टेम्बर 28(छुसकको पहिलो दिन)

स्थानः यति रेस्टुरेन्ट एण्ड बार(सउल)

ठेगानाः 서울 마포구 와우산로18길 20 홍대예티 1층

상수역 2 नम्बर गेटबाट 2 मिनेट अगाडी।