राजधानी सौलमा पर्यावरणमैत्री ट्रान्जिट पास ‘क्लाइमेट कार्ड’ सुरु हुने
कोरियाको राजधानी सौलमा सन् २०२४ बाट असीमित ट्रान्जिट पास ‘क्लाइमेट कार्ड’ सुरु हुने भएको छ । पर्यावरणमैत्री यात्रालाई प्रवर्द्धन गर्दै जीवनयापनमा बढ्दो लागतसँग जुधिरहेका बासिन्दाहरूलाई आर्थिक राहत प्रदान गर्ने लक्ष्य सहित यस्तो काड प्रयोगमा ल्याउन लागेको सौल महानगरले सोमबार जनाएको हो ।
“क्लाइमेट कार्ड” नाम दिइएको यातायात पास मार्फत सियोलका सबै सबवे मार्गहरूमा आवतजावत गर्न सकिनेछ ।
लाइनहरू 1 देखि 9 सम्म, साथै Gyeongui-Jungang लाइन, Bundang Line, Gyeongchun Line, Ui-Sinseol Light Rapid Transit ( LRT) र सिलिम लाइन सबैमा यसले प्रवेश पाउन सकिनेछ । यद्यपि, फरक आधारभूत भाडाका कारण शिनबुन्डाङ लाइन समावेश गरिएको छैन।
पास सियोलको सार्वजनिक बस मार्गहरू र बाइक-साझेदारी सेवा Ttareungyi को लागि पनि उपलब्ध हुनेछ। सार्वजनिक बाइक-साझेदारी सेवा Ttareungyi ६५,००० वोन ($ 48.72) को मासिक शुल्कमा प्रयोग गर्न सकिनेछ ।
पास व्यावसायिक वाटरबस सेवामा प्रयोगको लागि पनि उपलब्ध हुनेछ । जुन अर्को वर्ष ग्योन्गी प्रान्तको गिम्पोलाई पूर्वी सियोलको जामसिलसँग जोड्ने अपेक्षा गरिएको छ।
यो कार्ड प्लास्टिक कार्ड र मोबाइल एप दुवै ढाँचामा उपलब्ध हुनेछ । तर प्राविधिक समस्याका कारण मोबाइल सेवा सुरुमा एन्ड्रोइड उपकरणहरूमा सीमित छ। यसलाई ३ हजार वनमा किन्न सकिन्छ।
क्लाइमेट कार्डको परिचयसँगै, सार्वजनिक यातायातको प्रयोग धेरै मानिसहरुले गर्ने सियोल महानगरले अपेक्षा गरेको छ । जुन कोविड-१९ महामारीको समयमा केही हदसम्म घटेको थियो ।
महामारीको अगाडि २०१९ मा सार्वजनिक यातायात बस र सबवे ले ६५.६ प्रतिशत ओगटेको थियो । तर यो २०२१ मा ५२.९ प्रतिशतमा घट्यो ।
महानगरले सडकमा कारहरूको संख्या लगभग १३ हजारले घटाउने लक्ष्य राखेको छ । क्लाइमेट कार्ड मार्फत वार्षिक ३२,००० टन ग्रीन्हाउस ग्यास पनि उत्सर्जन हुने जनाएको छ ।
यसबाहेक, करिब ५ लाख नागरिकहरूले ट्रान्जिट पासबाट प्रति वर्ष ३ लाख ३४ हजार वन बचत गर्ने अनुमान गरिएको छ । जसले गर्दा यातायात खर्चको आर्थिक बोझ कम हुने माहानरले जनाएको छ ।
कोरिया टाइमसका लागि जुङ दा-ह्युनले लेखेको समाचार अनुसार यो कदम जलवायु संकटलाई सम्बोधन गर्न सार्वजनिक यातायातलाई प्राथमिकता दिने विश्वव्यापी प्रवृत्तिसँग मेल खान्छ। उदाहरणका लागि, जर्मनीले मे महिनामा Deutschland टिकट (ड्-तिक्केत) लन्च गर्यो । जसलाई 49-Euro-Ticket पनि भनिन्छ । यसको परिणामस्वरुप एक मिलियन कार-निर्भर व्यक्तिहरूले सार्वजनिक यातायात प्रयोग गरे । तीन महिनामा ११ करोड यो कार्ड बिक्री भएको जनाएको छ ।
“यातायात क्षेत्रमा जलवायु संकटको सबैभन्दा महत्वपूर्ण प्रतिक्रिया भनेको सार्वजनिक यातायातको प्रयोगलाई सक्रिय गर्नु हो,” सियोलका मेयर ओ से-हुनले भने। क्लाइमेट कार्डले जनवरीदेखि मे २०२४ सम्म परीक्षण सञ्चालन गर्नेछ र सोही वर्षको जुलाई १ मा आधिकारिक रूपमा सुरू गर्ने तयारी गरिएको छ।
सियोल महानगरका अनुसार, पाइलट अपरेशन सुरु हुनु अघि प्रणाली लागू गर्न ग्यङ्गि प्रान्त र इन्छन बाट सहयोग माग्ने योजना बनाएको छ।
कोरिया टाइमस् बाट
