तमू धीं कोरियाको “विल्लियर्डस स्नुकर प्रतियोगिता” सम्पन्न, प्रथम पुरस्कर कृष्ण क्षेत्रीलाई
तमू धीं कोरियाले आयोजना गरेको “विल्लियर्डस स्नुकर प्रतियोगिता” सम्पन्न भएको छ । सउलको दोङ्देमुन स्थित दर्शन नमस्ते रेस्टुरेन्टको स्नुकर हाउसमा आईतवार भएको प्रथम पुरस्कर कृष्ण क्षेत्रीले हात पारेको छ ।
प्रतियोगितामा ३४ जना खेलाडीहरुको सहभागिता रहेको थियो । प्रतियोगितामा विजेताले २०,००,००० (बीस लाख वोन) सहित कप, मेडल र प्रमाणपत्र र दोस्रो बिजेता होम बिस्टले १०,००,००० (दस लाख वोन) कप, मेडल र प्रमाणपत्र प्राप्त गरेको छ । उच्च अंक समे जोड्न सफल कृष्ण क्षेत्रीलाई थप २,००,००० (दुई लाख वोन) कप, मेडल र प्रमाणपत्र प्रदान गरेको छ।
“शारीरिक र मानसिक स्वास्थ्यका लागि खेलकुद” भन्ने नारालाई आत्मसात गर्दै स्वस्थ, स्वच्छ र पारदर्शी खेल मार्फत मनोरन्जन संगै नेपालीहरुमा भ्रातृत्व र मैतृभाव बिकास गर्ने उद्देश्यले खेलकुद विभागको बिशेष सकृयतामा खेलकुद संयोजक कृष्ण गुरुङ(ब्रो) को संयोजनमा “बिल्लियर्ड्स स्नुकर प्रतियोगिता” अयोजना गरिएको थियो ।
तमू धीं दक्षिणको आयोजना, शाखा संस्थाहरुको सह आयोजना, GKS KOREA, MOBILE SHOP र JB BANK, SUWON को स्पोन्सर रहेको प्रतियोगितामा मिडिया पार्टनरको रूपमा फोनिज कोरिया, रेडियो गोर्खाली १०६ MHZ र बिशाल आवज, न्युज पोर्टल साथै सपोर्टरमा ख्वाङ्गेवोन पुल क्लब र नेपाल स्नूकर एसोसेसन, दक्षिण कोरिया रहेको थियो।
प्रतियोगितालाई सभ्य र भव्य रुपमा सफल बनाउन आर्थिक, नैतिक र भौतिक रुपमा सहयोग गर्ने सम्पूर्णलाई तमू धीं कोरियाले धन्यवाद व्यक्त गरेको छ ।
