बिरामी रियाले पाईन् वन्जु मुन्माक मैत्री समाजबाट पाँच लाख वोन आर्थिक सहयोग

कोरियामा रहेका उपचारार्थ रिया लामिछानेलाई आर्थिक सहयोग प्रदान गरिएको छ । हाल Shinchon Yeonsei Hospital (신촌연세병원) मा उपचार गराउँदै स्वास्थ्य चुनौतीका साथमा जीवनको कठिन समय बिताईरहेकी उनलाई वन्जु मुन्माक मैत्री समाजले सान्तवना स्वरुप आर्थिक सहयोग प्रदान गरेको हो । समाजले आफ्नो कोषको पाँच लाख कोरियन वोन बिरामीको खातामा सिधा ट्रान्सफर गरिएको हो ।

सन् २०१३ मा GKS मार्फत बिद्यार्थी भिसामा दक्षिण कोरियामा आएकी रिया जटिल स्वास्थ्य समस्याका बाबजुद पनि केहि बर्ष आफ्नो र घरपरिवारको खर्चमा उपचार गराईरहेकी उनलाई पटक-पटकको शल्यक्रिया र औषधि उपचारको लामो प्रक्रियाले चरम आर्थिक अभावमा धकेलेपछि सहयोगको अपिल गरेकी हुन् । उनको जीवन रक्षाका लागि आफ्नो ठाउँबाट आर्थिक सहयोग गरिदिनुहुन कोरियाबासी सम्पूर्ण महानुभावहरुमा अपिल गरिएको छ ।

सहयोगका लागि बिरामी स्वयंको खातामा सहयोग हुने विवरण यसप्रकार छ ।

बैंक : IBK BANK
खाता नम्बर : 289-093612-01-017
खातावालको नाम : Lamichhane Jhuma
सम्पर्क नं. : 010-2525-7460

संस्थागत उद्धेश्य अनुरुप दुःखको बेला मानवीय संवेदनामा रहेर समयसापेक्षित समाज सदैव तत्पर रहेको समाजका अध्यक्ष विष्णु खत्रीले बताउँदै यसअघि बिरामीहरु लाल बहादुर बोहरा (प्रतिक) र पार्वती तामाङलाई समाजले आर्थिक सहयोग गरिसकेको सन्दर्भ उल्लेख गरे । “प्रवासमा हाम्रो एकता, सुख दुःखमा आपसी सामिप्यता” भन्ने मूल नारा सहित स्थापना भएको समाजले विभिन्न कार्यक्रम समेत आयोजना गर्दै समाजलाई चलायमान गराउँदै आइरहेको सन्दर्भ महासचिव सुवास ठकुरीले स्पष्ट पारे ।

शीघ्र स्वास्थ्य लाभको कामना गर्दै यो दुःखद घडीमा समस्त मनकारी व्यक्तित्वहरुमा सहयोगमा जुट्नुहुन वन्जु मुन्माक मैत्री समाजले हार्दिक अपिल गरेको छ ।