नोभेम्बर २६ मा सलनालको कार्यक्रम बाँडफाँड हुने
नेपाली सम्पर्क समिती(NCC) ले कोरियाको नया बर्ष( सलनाल) को अबसरमा बिभिन्न नेपाली संघ सस्थाले आयोजना गर्ने सांस्कृतिक कार्यक्रम बाँडफाड गर्ने भएकाे छ । नोभेम्बर २६ आईतवार विहान ११.३० बजे दाेङदेमुनकाे निक ट्राभल्सको सभाहलमा कार्यक्रम हुन लागेकाे आयोजकले बताएको छ ।
कोरियामा रहेका विभन्न संघसंस्थाले आयोजना गर्ने कार्यक्रम एनसीसीले बाँडफाँड गर्दै आएको छ । सन् १९९१ मा स्थापना कोरियाको पुरानो संस्थाका रूपमा रहेको एनसीसी यहाँ रहेका नेपाली संघ संस्थाहरूको छाता संस्थाका रूपमा रहँदै आएको छ ।
बिगतमा निकै राम्रो काम गरेको नेपाली सम्पर्क समिति NCC ले सबै संघसंस्था को सहकार्य मा भगवान गौतम बुद्धको प्रतिमा समेत कोरिया स्थापना गरेको छ । कोभिड तथा बिबिध कारणबस अलि सुस्ताएको NCC अहिले फेरि १८ औँ कार्यसमिति निकै सकृयताका साथ लागि पर्नुका साथै अन्नोलमा परेका संघसंस्था हरुमा पनि NCC प्रति पुन आशा पलाएको बताउने गरेका छन । पहिले भन्दा फरक ढङ्गले विभिन्न बिभाग हरु गठन गरि संस्थालाई सेवामुलक संस्थाको रुपमा परिचित गराउदै ,भाषा समस्या ,स्वास्थ्य समस्या ,सास्कृतिक बिभाग लगायत थुप्रै बिभाग हरु गठन गरि काम गरिरहेको छ। सास्कृतिक कार्यक्रम बाडफाड कार्यक्रमलाई सफल पारिदिनुहुनको लागि प्रादेशिक, जातिय, क्षेत्रीय,जिल्लागत,पत्रकार, धार्मिक संघ संस्थाका साथै बुद्धीजिबी,ब्यापारि,बिधार्थी र कोरियामा रहेका सम्पूर्ण दाजुभाइ तथा दिदीबहिनी मा हार्दिक निमन्त्रणा गर्दछौ। एनसीसीले भनेको छ ।
मिती -2023/11/26 आईतबार
समय-11:30 बजे (बिहान)
स्थान- NIK TRAVEL को सभाहल दोङदेमुन सउल
