प्रतिज्ञा लामा कमब्याकको दोस्रो म्युजिक भिडियो सार्वजानिक (भिडियो)
मोडल प्रतिज्ञा लामा अभिनित तामाङ समुदाय अन्तरगत पर्ने “गोच्चा म्याप्जीम ” बोलको म्हेन्दोमाया गीतको म्युजिक भिडियो सुक्रबार सार्बजानिक भएको छ । विगत लामो समय देखि दक्षिण कोरियाला ई आफ्नो कर्मथलो बनाएर बस्दै आइरहेकी मोडल प्रतिज्ञा लगभग दुई दशकपछि कमब्याक भएकी छिन् ।
भिडियोला ई सोही गीतको गायक तथा मोडल आरम्भ तामाङको आधिकारीक युट्युब च्यानल मार्फत सार्बजानिक गरिएको हो । केहि समय अघि मात्रै प्रतिज्ञाद्वारा अभिनित गायिका रोस्ना लुङ्बाको स्वरमा रहेको “शिरबन्दी”बोलको एकल गीतको म्युजिक भिडियो सार्बजानिक भएको थियो ।
सिन्धुपाल्चोक जिल्लाको साविक धुस्कुन गाबिस-५, पात्लेमा जन्मिएकी लामाले म्युजिक भिडियोमा आज भन्दा १८ वर्ष पहिलेनै बिमा कुमारी दुरा र बिष्णु खत्रीको स्वरमा रहेको “मुस्ताङ लेतेमा” बोलको चर्चित लोक दोहोरी गीतबाट डेब्यु गरेकी थिइन् । डेब्यु गरे लगत्तै स्वर्गीय लोक गायक खेमराज गुरुङ, प्रकाश ओझा, लक्ष्मी न्यौपाने जस्ता ख्यातिप्राप्त लोक गायक-गायिकाहरुको स्वरमा रहेको आधा दर्जन भन्दा बढी गीतको म्युजिक भिडियोहरुमा अभिनय गरेकी थिइन् ।
आफ्नो अभिनय यात्रालाई बिच्चैमा थाती राखेर केही वर्ष बुटिक व्यवसायमा आफूलाई व्यस्त बनाएकी लामाले व्यवसायबाट पनि हात निकालेर परदेशीने निधो गरेकी थिइन् । सन् २०१२ को अन्तिम देखि दक्षिण कोरियामा बस्दै आइरहेकी छिन् । उनले विगतको अधुरो यात्रालाई निरन्तरता दिनको लागि पुनः अभिनय यात्रा सुरु गरेको बताउछिन् । लोकदोहोरी गीतको म्युजिक भिडियोबाट अभिनय यात्रा सुरु गरेकी लामाले हाल सेलो र म्हेन्दोमाया गीतको म्युजिक भिडियो मार्फत पुनः अभिनय यात्रामा फर्किएकी छिन् । समयले भ्याएसम्म दशकौ पछि पुनः दोहोराएको यात्रालाई निरन्तरता दिने सोचमा रहेको उनि बताउछिन् ।
डेढ महिना अघि छोटो समयको लागि नेपाल पुगेको समयलाई सदुपयोग गर्दै ३ वटा गीतको म्युजिक भिडियोमा अभिनय गरेर कोरिया फर्केको मोडल प्रतिज्ञाले बताइन् । उनले अभिनय गरेको केही म्युजिक भिडियोहरु सार्बजानिक हुन बाँकी रहेका छन् । दक्षिण कोरियाको जेजु दो प्रान्तमा स्थायी बसबास गर्दै आएकी मोडल प्रतिज्ञा उक्त क्षेत्रमा क्रियाशिल नेपाल तामाङ घेदुङ जेजु शाखाको उपाध्यक्ष र गैर आवासीय नेपाली संघ जेजुदो शाखाको सदस्य पदमा रहेर सामाजिक काममा सकृयता हुदै आइरहेकी छिन् ।
भर्खरै सार्बजानिक भएको गोच्चा म्याप्जीम बोलको गीतको भिडियोमा प्रतिज्ञा र गायक तथा मोडल आरम्भ तामाङको मुख्य भुमिका रहेका छन् । भिडियोलाई एमबी गुरुङले निर्देशन गरेको छ । गीतमा शब्द संगीत शैलप वाइबाको रहेको छ भने आरम्भ तामाङ र बिना घलेले स्वर भरेका छन् । भिडियोलाई देभ दोर्जे लामाले छायङ्कन गरेको छ ।
भिडियाे हेर्नुहाेस्
