सोनाम ल्होछारको अवसरमा सौलमा बृहत साँस्कृतिक कार्यक्रम, तयारी पुरा
विगतका बर्षहरुमा झै यसपालि पनि दक्षिण कोरियामा सोनाम ल्होछार मनाउने भएको छ । मन्जुश्री सम्वत २८६० औं डुक ल्हो (मुला पुख्री ल्हो) गडुल वर्षको अवसरमा नेपाल तामाङ घेदुङ दक्षिण कोरियाले सलनालको पहिलो दिन “ल्होछार बृहत साँस्कृतिक कार्यक्रम-२०२४” को आयोजना गर्ने भएको हो । फेब्रुअरीको ९ तारिखका दिन सौल स्थित एच. डाब्लु कन्भेन्सन सेन्टर (H.W 컨벤션센터) मा कार्यक्रम हुने छ ।
आपतकालिन राहत कोष सहयोगार्थ आयोजना गर्न लागेको ल्होछार कार्यक्रमका लागि नेपालबाट ख्यातिप्राप्त कलाकारहरु आउने घेदुङ कोरियाको अध्यक्ष राजाकुमार स्याङतानले फोनिज कोरियालाई बताएका हुन् ।
कार्यक्रममा चर्चित कलाकारहरु उर्गेन दोङ, सुमिना लो, अनु चौधारी लगयतको प्रस्तुति रहने जनाएको छ । साथै दक्षिण कोरियालाई आफ्नो कर्मभूमी बनाइरहेका कलाकारहरु सुर्य रुम्बा, रिच्चा तामाङ ब्लोन, आशिस मोक्तान, प्रतिज्ञा लामा लगायतको गायन तथा नृत्य प्रस्तुति पनि रहने छ ।
“कार्यक्रमका लागि समुर्ण तयारी पुरा भैसकेको छ ।” अध्यक्ष तथा कार्यक्रम मुल आयोजक कमिटिका संयोजक समेत रहेका स्याङतानले बताए । “ल्होछार कार्यक्रमलाई भव्य र सभ्य बनाऊनका लागि कोरियामा रहनु हुने बुद्धिजीवी विभिन्न पेशामा आबद्ध व्यापार व्यवसाय ज्यूहरु,सामाजिक अभियन्ता, पत्रकार, विद्यार्थी लगायत सम्पुर्ण कोरियाबासी तामाङ तथा गैर-तामाङ दाजु भाई तथा दिदि बहिनीहरुमा उपस्थित लागि घेदुङले अनुरोध गर्दछु ।” अध्यक्ष स्यङतानले अनुरोध गरे ।
सन् २००३ मा स्थापना भएको घेदुङको ख्याङ्सान बुसान र जेजु गरि दुई वटा शाखा रहेको छ ।
