नेपाल एयरलाइन्सलाई कोरिया उडान भराउन ध्यानाकर्षण गराउँदै नेपाली राजदूतावासमा ज्ञापन पत्र
नेपाली राजदूतावास कोरियाको राजदूत डा.ज्योति प्याकुरेल समक्ष कोरियामा रहेका विभिन्न संघ संस्थाहरुले संयुक्त रुपमा ज्ञापन पत्र बुझाएको छ। ज्ञापन पत्रमा “कोरियन एयरको मनोमानी भाडा अशुली र त्यसले पर्यटक आगमनमा प्रभाव गर्नसक्ने , यात्रुहरुलाई जबरजस्ती महगो भाडादर लिन बाध्य गराइको ” भनिएको छ। यसैगरी नेपाल एयरलाइन्सलाई पनि कोरिया उडान भर्नको निम्ति दीर्घकालिन उपाय खोजिदिनको लागि प्रधानमन्त्री तथा मन्त्रीपरिषदको कार्यालयलाई ध्यानाकर्षण गराउँदै दूतावास मार्फत ज्ञापन पत्र बुझाएको हो।
ज्ञापन पत्र
नेपालको राजनीतिक दलहरुको प्रवास संगठनको रुपमा कृयाशिल संस्थाहरु नेपाली जनसम्पर्क समिति , प्रवासी नेपाली मञ्च, नेपाली जनप्रगतिशील मञ्च, प्रवास नेपाली सम्पर्क बिभाग, प्रवासी नेपाली एकता मञ्च यसैगरी अन्य सामाजिक तथा क्षेत्रीय संस्थाहरुको तर्फबाट, नेपाली सम्पर्क समिति , नेपाल आदिबासी जनजाती महासंघ , नेपाल पत्रकार महासंघ सोन्सीक , बागमती प्रदेश एकता समाज , गण्डकी प्रदेश समाज , पुर्वाञ्चल सरोकार समाज , सुदुरपश्चिम समाज , कर्णली प्रदेश समाज लगायतका संस्थाहरुले संयुक्त रुपमा ज्ञापन पत्र बुझाएको थियो।
