किम्हे बुसानमा “नमस्ते नेपाल होली इभेन्ट” हुने

नमस्ते फ्याफुल्ला नेपाल-कोरिया इन्टरटेनमेन्टले आउँदो मार्च २४ तारिक किम्हे बुसानमा”नमस्ते नेपाल होली इभेन्ट” आयोजना गर्ने भएको छ । 

“नेपाली भाषा,कला र सस्कृतिको जगेर्ना गरौ, नेपाली उत्पादन बस्तुलाई अन्तराष्ट्रियकरण गरौ।”भन्ने मुल नाराका साथ नमस्ते फ्याफुल्ला नेपाल-कोरिया इन्टरटेनमेन्टले 경상남도 김해시 동상동 시장 को खुल्ला पार्कमा ”नमस्ते नेपाल होली इभेन्ट किम्हे बुसान” आयोजना गर्ने भएको हो । 

होली ईभेन्टमा विभिन्न नेपाली खाना, बैंक, रेमेन्टेन्स्, ईलोक्ट्रोनिक्सका स्टलहरु रहने छ । साथै स्थानिय कलाकारहरुको बेजोड प्रस्तुतिका साथमा डिजे संग झुम्न सकिने जनाएको छ । मनोरञ्जनको लागी विभिन्न खेलहरु खेलाई पूरुस्कारहरुको समेत व्यवस्था गरिएको इन्भेन्ट संयोजक मिनु मोक्तानले बताएका छन्। “कोरियाको दोस्रो ठूलो शहर बुसानमा पहिलो चोटी होली ईभेन्ट कार्यक्रम गर्न लागिएको र विदेशी भूमिमा यस्ता खालका कार्यक्रमहरु आयोजना गर्न पाउँदा धेरै नै उत्साहित र गौरम्वित महसुस गरिरहेको छु ।” मोक्तानले बताए।

होली ईभेन्ट बिहान ११:०० बजे देखि ५:०० बजे सम्मा हुने छ ।  साथै इभेन्टमा प्रवेश शुल्क १ मान वोन तोकिएको र साथमा एउटा होली टी-शर्ट दिने पनि आयोजकले बताएको छ ।  

नमस्ते फ्याफुल्ला नेपाल-कोरिया इन्टरटेनमेन्टले नेपाल लगायत कोरियामा नेपाली चलचित्र होस या विभिन्न ईभेन्टहरु आयोजना गरी नेपाली उत्पादन लाई अन्तराष्ट्रीयकरण गर्ने प्रयासरत नेपाल सरकारमा दर्ता भएको कम्पनी हो। होली ईभेन्ट लगतै रामबाबु गुरुङ द्वारा निर्देशित नेपाली चलचित्र डिग्री माइला कोरियाका लागि अफिसियल राइट्स लिएर बुकिङ खुल्ला गरिसकेको छ । चलचित्र यही आउँदो बैशाख १ गते बाट नेपाल लगायत कोरियामा एकै साथ प्रदर्शनमा आउने जनाएको छ।

होली ईभेन्टमा विभिन्न व्यवसायहरु गर्न स्टल राख्न

010-9536-8458, 

010-7600-2013, 

010-2664-6728, 

010-8378-9566