बेलबारी एफ सीको पोल्टामा दोस्रो याङ्सान कप फुटसल प्रतियोगिता

याङ्सान फुटबल क्लब र याङ्सान नेपाली परिवार किम्हे बुसानको संयुक्त आयोजनामा गरिएको दोस्रो याङ्सान कप फुटसल प्रतियोगिताको उपाधि बेलबारी एफ सीले बिजयी हासिल गरेको छ l 

मार्च ३१ आईतवारका दिन नेपाल फुटबल महासंघ दक्षिण कोरियामा आबद्ध रहेका नेपाली फुटबल क्लबहरुलाई फुटबल महासंघको नीति नियमावली बमोजिम बर्ष 2024 को लागि आलोपालो प्रणालीको माध्यमबाट बार्षिक दोस्रो फुटबल प्रतियोगिता अन्तरगत फुटसल प्रतियोगिताको आयोजना गरिएको हो ।  

 “स्वास्थ्य अनुशासन र गतिशिलता प्रबासमा नेपालीहरु बीचको एकता” दक्षिण कोरियाको दक्षिणी भेग ख्यांङ्साङ्नाम्दो प्रान्तको किम्हे बुसान क्षेत्रमा आयोजना गरिएको उक्त फुटसल प्रतियोगितामा 32 फुटबल टिमको सहभागिता रहेको थियो l 

पहिलो सेमीफाइनलको ” ए “पोलबाट ग्रीन नेपाल फुटबल क्लबलाई 3 गोलको बिरुद्ध 4 गोल गरि सुवन फुटबल क्लब फाइनल प्रबेश गर्न सफल रहेको थियो भने दोस्रो सेमी फाइनलमा ” बि ” पोलबाट ब्लु लायन 

फुटबल क्लबलाई 2 गोलको बिरुद्ध 3 गोल गरि बेलबारी फुटबल क्लबले फाइनलको यात्रा सुरक्षित गरेको थियो ल्

उक्त फाइनलको अत्यन्तै प्रतिस्प्रधात्मक भिड्न्तमा सुवन फुटबल क्लब र बेलबारी फुटबल क्लबको खेल निर्धारित समयसम्म बराबरी रहेकोले अन्तत पेनाल्टीसुट आउटबाट सुवन फुटबल क्लबलाई शुन्यको बिरुद्ध 2 गोलबाट पराजित गरि बेलबारी फुटबल क्लबले उपाधि कब्जा गरेको थियो l 

बिजेता बेलबारी फुटबल क्लब तथा उप बिजेता सुवन फुटबल क्लबले क्रमश नगद 30 लाख र 20 लाख कोरियन वान सहित ट्रफी मेडल सर्टिफिकेट प्राप्त गर्न सफल रह्यो l 

उक्त याङ्सान कप फुटसल प्रतियोगिताको सर्बोकृष्ट खेलाडी  बेलबारी फुटबल क्लबका सबिन बिडारी लाई घोषित गरिएको थियो भने उच्च गोलकर्ता सुवन फुटबल क्लबका सुवास जेआर र ग्रीन नेपाल फुटबल क्लबका प्रयुश आले मगरले संयुक्त रुपमा 8/8 गोल गरेको थियो । 

 उत्कृष्ट गोलकिपरको पुरस्कार बेलबारी फुटबल क्लबका सोनाम चामलिंग राईले हात पार्न सफल भएको थियो l यसरी नै विधागत रुपमा उत्कृष्ट खेलाडीहरुलाई प्रोत्साहन स्वरूप जनही 1 लाख कोरियन वान  ट्रफी र प्रमाण पत्रबाट पुरस्कृत गरिएको थियो ।  

प्रतियोगिता फाइनलको अन्तिम समापन समारोहमा प्रमुख अतिथि नेपाल फुटबल महासंघ दक्षिण कोरियाका अध्यक्ष ब्रो.तमू, आदिबासी जनजाती महासंघ किम्हे बुसान शाखाका अध्यक्ष परी गुरुङ्ग, नेपाल फुटबल महासंघका बरिष्ठ उपाध्यक्ष हेमन्त गुरुङ्ग, सदस्य तेजु गुरुङ्ग लगायत फुटबल महासंघका केन्द्रिय विभिन्न सम्बन्धित्ब फुटबल क्लबका प्रतिनिधिहरु, जातीय क्षेत्रिय संघ सस्थाका प्रतिनिधिहरुको  बाक्लो उपस्थित रहेका थिए ।  

अत्यन्तै सौहार्दपूर्ण बातावरणमा प्रतियोगिता सम्पन्न भएकोमा खेल संयोजक संजय पौडेलले खुशी ब्यक्त गरेका छन् l दोस्रो पटक आयोजना गरिएको फुटसल प्रतियोगितालाई सफल बनाउन मिडिया पार्टनर फोनिज कोरिया, बिशाल आवाज ), जन आवाज अनलाइन डटकम,  भिडियोग्राफी फोटोग्राफर शम्भु धिमाल, टेलीकम पार्टनर,  रेमिटेन्स पार्टनरहरु साथै आर्थिक भौतिक रुपमा सहयोग गर्ने सहयोगी दाताहरु तथा सहभागी फुटबल क्लबहरुलाई याङ्सान फुटबल क्लबका अध्यक्ष दिनेश हरिजनले धन्यबाद ज्ञापन गरेका थिए l

त्यसरी नै नेपाल फुटबल महासंघ दक्षिण कोरियाको बर्ष 2024 को बार्षिक खेल क्यालेन्डर अनुसार  चौथो महिना अप्रिल 14 तारिख छङ्ऊप नेपाली फुटबल क्लबको आयोजनामा प्रथम जेएन एफ सी कप फुटबल प्रतियोगीता छल्लाबुक्दो लगतै पाचौ महिना मे 5 तारिख आइतबार ग्वान्जु फुटबल क्लब छल्लाबुक्दोको आयोजनामामा प्रथम प्रदेशी कप फुटबल प्रतियोगिता आयोजना हुने नेपाल फुटबल महासंघका बरिष्ठ उपाध्यक्ष हेमन्त गुरुङ्गले जानकारी दिएको छ ।