उत्तरी छुङ्छङ् प्रान्तको सुन्दर ठाउँमा सिन्धुपाल्चोक समाजले वनभोज कार्यक्रम गर्ने
सिन्धुपाल्चोक समाज दक्षिण कोरियाद्वारा आगामी जुन २९ र ३० तारिखमा बृहत भेटघाट तथा रमाइलो वनभोज कार्यक्रम गर्ने भएको छ । उत्तरी छुङ्छङ् प्रान्त(충청북도)को सुन्दर ठाउँ थान्याङ(단양) मा २ दिने कार्यक्रम गर्न लागेको समाजको अध्यक्ष राज लोप्चन तमाङले फोनिज कोरियालाई बताएका हुन् ।
वनभोज कार्यक्रममा मनमोहक दृष्यावलोकन तथा स्थानीय कलाकारहरूको सांगितिक प्रस्तुतिसंगै स्वादिष्ट नेपाली परिकारको स्वाद लिन सकिने जनाएको छ । Sky Walk, Zip Line, Rafting, ATV Motor Bike Riding तथा Paragliding लगायतको आनन्द समेत लिन पाइने जनाएको छ । सहभागिताको लागि महिलालाई ८०,००० वन र पुरुषलाई १,००,००० वन शुलक तोकिएको छ ।
साथै वनभोज स्थलसम्म पुग्नको लागि बसको व्यवस्था पनि रहेको छ । बस सउल बाट शनिबार साँझ ५ बजे र सुवन बाट साँझ ६:३० बजे प्रस्थान गर्ने छ । आफ्नो सवारीमा आउने थेगु बुसान लगायत अन्य क्षेत्रको सहभागिहरुलाई यातायात खर्च स्वरुप थोरै छुट गरिने जनाएको छ ।
”आपसी सहयोग सद्भाव र सदाचारको भावना आत्मीयता साथै भाइचाराको सम्बन्ध प्रगाढ होस् भन्ने उदेश्यका साथ यस् कार्यक्रमको आयोजना गरेको हो ।” अध्यक्ष तामाङले बताए ।
“कार्यक्रमा उपस्थित हुन कोरियामा रहेका सम्पूर्ण नेपाली दाजुभाई तथा दिदीबहिनीहरुलाई अनुरोध गर्द्छु ।” उनले अनुरोध गरे ।
सम्पूर्ण तयारी पुरा भाईसकेकोले सहभागिहरु समयमा नै उपस्थित हुन समाजले अनुरोध गरेको छ ।
“आपसी सहयोग, सद्भाव र सदाचार, सिन्धुपाल्चोकवासी मिलनको आधार” भन्ने सामाजिक मैत्री नारा लिएर सन् २०१४ मा सिन्धुपाल्चोक समाज दक्षिण कोरियाको स्थापना भएको हो । आफ्नो स्थापनाकाल देखिनै समाजले कोरिया तथा नेपालमा विभिन्न सामाजिक कार्यहरु गर्दै आएको छ ।
