गायक जिबन बोम्जनको ‘बुँईकले झ्यालैमा’ सार्वजनिक
![](https://www.fonijkorea.net/wp-content/uploads/2024/06/बुँईकले-झ्यालैमा-Official-Music-Video-•-By-Jivan-Bomjan-Tamang-Susita-Tamang-•-Tamang-Selo-2024-800x450.jpeg)
गायक, गीतकार तथा संगीतकार जिबन बोम्जन र गायिका सुसिता तामाङको नयाँ तामाङ सेलो ‘बुँईकले झ्यालैमा’ शनिवार Jivan Bomjan Tamang युट्युब च्यानलमार्फत सार्वजनिक भएको छ ।
यस गीतमा गायक जिवनको शब्द, वरिष्ठ गायक तथा संगीतकार चन्द्र कुमार दोङको संगीत रहेको छ ।
यो म्युजिक भिडियोमा प्रतिक ङेसुर, स्वयम गायिका सुसिता तामाङ, रितिका तामाङ, जगत बहादुर तामाङ र लाक्पा दोर्जेको उत्कृष्ट अभिनय देख्न सकिन्छ ।
उक्त गीत लाक्पा दोर्जे लामाको नृत्य निर्देशन र प्रतिक ङेसुरको निर्देशनमा बनेको हो ।
त्रिलोक लामाको छायांकन रहेको भिडियोमा ड्रोन सेन्साई पेमा र अमृत चापागाईले सम्पादन गरेका हुन् । उक्त गीतको मिक्स र मास्टरिङ दिपेश प्रधानले गरेका हुन् । गायक बोम्जन कै जन्म थलो ओखल्ढुङ्गा जिल्लाको लिखु गाउँपालिका वडा नं-९ मा पर्ने नेपाल कै दोस्रो पोकली झरना र आसपासको रमणिय दृश्य भिडियोमा देख्न सकिन्छ ।
नेपाली मौलिक गीत संगीतमा क्रियाशील गायक जिवनले धेरै गीतमा शब्द, स्वर र संगीत दिइ सकेका उनी मिठासपुर्ण सांगितीक कोसेली पस्किन सिपालु लोकप्रिय गायक हुन् । गीत संगीतबाट आर्जन गरेका ३ देखि ५ प्रतिशत बोम्जन संगीत शिक्षा कोषमा जम्मा गरी संगीतमा रूचि राख्ने आर्थिक अवस्था कमजोर भै संगीत कक्षा लिन नसकेका भाई बहिनीहरुलाई शुल्क उपलब्ध गरि सहयोग गर्दै आएको छ ।
त्यस्तैगरी ग्रामिण भेगका विध्यालयहरुमा अध्ययनरत विध्यार्थीहरुलाई शैक्षिक तथा खेलकुद सामग्रीहरू समेत वितरण गर्दै आईरहेको छ । त्यसैले गायक बोम्जन समाज सेवामा पनि सकृया देखिन्छ । बोम्जन म्यूजिक इन्टिट्यूट एबम पुन्जना लेडिज टेलरिङ्ग एण्ड बुटिकका संचालक तथा मार्केटिङ म्यानेजर समेत रहेको बोम्जन ब्यापार ब्यबासयमा पनि उतिकै ब्यस्त छन् ।