नेपाल जनप्रगतिशिल मन्च कोरियाको अध्यक्षमा जिवन खतिवडा निवार्चित
अमिर योन्जन । नेपाली जनप्रगतिशील मन्च दक्षिण कोरियाको छैठौं राष्ट्रिय अधिबेशनबाट अध्यक्षमा जिवन खतिवडा निवार्चित भएको छ । आइतबार सौलमा नेपालबाट आएकी पूर्वमन्त्री तथा नेकपा माओवादीका उपाध्यक्ष प्रमुख अथितिमा सम्पन्न भएको अधिवेशनबाट खतिवडाको अध्यक्षतामा कार्यसमिति चयन भएका छन् ।
त्यस्तै बरिष्ठ उपाध्यक्षमा रुद्र थापा, उपाध्यक्षहरुमा बिबि स्याङ्तान, नवीन परियार, मानबहादुर बिष्ट, राजेन्द्र फुयाल चयन भएका छन् ।
अधिवेशनले महासचिवमा सुबिन्द्र मगर र सचिवहरुमा सुरेन्द्र लावती, चरित्र शाही, रामदेव बिष्ट, दावाफिन्जो तामाङ, हरि शाही चयन भएका छन् । कोषाध्यक्षमा रुक्मा बम चयन भएकी छिन् ।
सदस्यहरुमा गिरबहादुर बुढा मगर, दिवस घर्ती मगर, मौसम बम्जन, नविशा लावती, नकुल राई, चक्र महतारा, जिवि सुनुवार र दशरथ कुँवर छन् ।
विहान ११ बजे भनिएको कार्यक्रममा २ घण्टा ढिला सुरु भएको थियो । कार्यक्रम सुरुमा जनयुद्ध सहिद दिलबहादुर रम्तेलको फोटोमा फूल अर्पण गरी औपचारिक कार्यक्रम सुचारु भएको थियो ।
नेकपा माओवादी केन्द्रकी उपाध्यक्ष तथा एसिया प्रदेश कमिटी इन्चार्ज पम्फा भुसालले अहिलेको सरकारले सङ्घीयता खोस्ने तरिकाबाट अगाडि बढेको बताएकी छन् । उनले भनिन्, ‘समानुपातिक समावेशी प्रणाली समाप्त पार्ने, बहुदलीय प्रणाली समाप्त पर्ने गरी अगाडि बढेको छ ।’ ‘भ्रष्टाचारलाई ढाकछोप गर्न रातारात बिचौलियाको घरमा सम्झौता गरेको छ । अधिकार खोस्ने षड्यन्त्र हुँदैछ तपाईँहरू सचेत रहनोस्, उनले सबैमा अग्राह गरिन्’
