गायक छेवाङ र डिजे छिरिङको साथमा याक्थुङ रैथाने मेलोडी सेप्टेम्बर १६ मा

अमिर योन्जन । चर्चित गायक छेवाङ लामा र डिजे छिरिङ लगायत थुप्रै कलाकारहरूको साथमा याक्थुङ रैथाने मेलोडी हुने भएको छ ।

कोरियन चाड छुसकको पहिलो राति सेप्टेम्बर १६ तारिख किराँत याक्थुङ चुम्लुङ दक्षिण कोरियाले रात्रिकालीन डान्स पाटी गर्ने भएको हो । चुम्लुङ हिम/सेल्टर व्यवस्थापनमा सहयोग स्वरुप कार्यक्रम गर्न लागेको चुम्लुङका अध्यक्ष दिर्ज काङ्भा लिम्बुले बताए ।

चुम्लुङका अध्यक्ष दिर्ज काङ्भा लिम्बुले पोस्टर सार्वजनिक कार्यक्रममा बोल्दै सुरुमा एक–दुई घण्टासम्म मौलिक कार्यक्रमको लागि समय छुटाएको जनकारी दिए । उनले भने, ‘दर्शकहरूलाई मध्यनजर गर्दै हामीले सुरुवातमा बढीमा दुई घण्टासम्म मौलिक कार्यक्रम प्रस्तुत गर्ने तालिका छ । जसमा लिम्बुहरूको मौलिक नाच: च्याब्रुङ, केलाङ नाच हुने छ । मौलिक खाना परिकारलाई पनि प्रवर्द्धन गर्ने कार्यक्रम हुने हुँदा याङ्बेन, तिते, वाम्युप लगायतको खानपिन खान सकिने छ ।’

नाइट मेलोडीको लागि हलै सम्पन्न भ्वाइ अप किड्सको काेच तथा चर्चित गायक छेवाङ लामा, डिजे छिरिङ र स्थानीय कलाकार गायक पिपराज माबोहाङ, सुमन लिम्बु, गायिका मन्दीरा नेम्बाङको मनोरञ्जनका लागि बेजोड प्रस्तुति रहने चुम्लुङका अध्यक्ष दिर्ज काङ्भा लिम्बुले बताए । कलाकारहरूको भिसा लागिसकेकोले सबैमा ढुक्क भएर कार्यक्रममा उपस्थितिका लागि निम्तो दिएको छ ।

कार्यक्रम सउल मेट्रो लाइन ४ को ८ नम्बर गेटबाट सिधा अगाडी रहेको छ । कार्यक्रमको समयमा दोङ्देमुन गेट नम्बर ३ बाट बसको सुविधा समेट हुने जनाएको छ ।

कार्यक्रम स्थल नयाँ ठेगाना परिवर्तन भएको छ । नयाँ ठेगानाः 서울시 동대문구 청량리동 774 번지  (완산로 37 길 27) 현대코어 서관 B1 층.- Seoul Metro Line No 1 청량리 Exit 2 बाट ५० मिटर अगाडी ।