छुसकको दोस्रो दिन शेर्पा सङ्घले ‘हिमालयन साङ्गीतिक धमाका–२०२४ गर्ने
अमिर योन्जन । शेर्पा सङ्घ, दक्षिण कोरियाले छुसकमा ‘हिमालयन साङ्गीतिक धमाका–२०२४’ गर्ने भएको छ । छुसकको दोस्रो दिन १७ गते सउलमा नेपालका चर्चित कलाकारहरूको साथमा पहिलो पटक साङ्गीतिक धमाका गर्ने भएको सङ्घले जनाएको छ ।
शेर्पा सङ्घले आइतबार सउलमा पोस्टर सार्वजनिक गर्दै नेपालबाट ख्याति प्राप्त कलाकार निमा रुम्बा, गायिका समीक्षा अधिकारी, गायक मिङमा शेर्पा, गायिका पाल्मु शेर्पा, डिजे एपी तेन्जिङ शेर्पा र सुनिल शाक्यलगायतको प्रस्तुतिको साथमा हिमालयन साङ्गीतिक धमाका–२०२४ गर्ने जनाकारी दिए । सँगै कलाकारहरूको पनि बेजोड प्रस्तुति रहने शेर्पा सङ्घका अध्यक्ष दोर्जे शेर्पाले बताए ।
‘विपत् व्यवस्थापन तथा आपतकालीन राहत कोष स्थापनार्थ’ कार्यक्रम आयोजना गर्न लागेको कार्यक्रम संयोजक थुतुङ गेल्जी शेर्पाले बताए । कार्यक्रमको तयारी तीव्र भइरहेको पनि जनाकारी दिए । कलाकारको भिसा प्रोसेस सबै प्रक्रिया पुरा भएको जनाकारी दिए । हिमालयन साङ्गीतिक धमाका–२०२४ कार्यक्रमको लागि समन्वयन तथा सहकार्य नेपाल आदिवासी जनजाति महासङ्घ, दक्षिण कोरियाको गरेको संयोजक थुतुङ गेल्जी शेर्पाले बताए । उनले भने शेर्पा सङ्घ स्थापना भएदेखि नै पहिलो पटक बृहत् साङ्गीतिक कार्यक्रम गर्न लागेको बताए । सबैको एकै पटक साथ र सहयोगको लागि अपिल पनि गरेको छ ।
कोरियामा रहेका नेपालीहरूको लागि भइपरी आइरहेको समस्या तथा नेपालमा आपत् विपतमा केही सहयोग राहतको लागि कार्यक्रम आयोजना गर्न लागेको अध्यक्ष दोर्जे शेर्पाले बताए ।
नेपाल आदिवासी जनजाति (नेफिन), दक्षिण कोरियाको अध्यक्ष विशन राईले यो कार्यक्रम ऐतिहासिक र दीर्घाकालीन महत्त्व भएकोले यसको लागि शेर्पा समुदायका साथीहरू एकजुट भएर सफल बनाउन लागिपर्नु पर्ने बताएको छ । भोलि तपाई हामीलाई समस्या पर्दा संस्थागत रूपमा शेर्पा सङ्घ हो, त्यसैले सबैले सबै क्षेत्रबाट साथ सहयोग गर्न विशेष आग्रह गरेको छ । उनले नेफिन कोरियाले सबै प्रकारका सहयोग रहने बताए । नेफिन अध्यक्ष विशन राईले कार्यक्रम सफलताको लागि शुभकामना समेत दिए ।
त्यस्तै नेपाल तामाङ घेदुङ, दक्षिण कोरियाको अध्यक्ष राजकुमार स्याङ्तान, किराँत याक्थुङ चुम्लुङ, दक्षिण कोरियाका अध्यक्ष दिर्जा काङ्भा लिम्बु, तमु धीं दक्षिण कोरियाका अध्यक्ष रुपा गुरुङ र थारु कल्याणकारीकी सभाका पूर्व अध्यक्ष शिव शङ्कर थारुले कार्यक्रम सफलताको शुभकामना दिँदै आर्थिक, नैतिक र भौतिक सहकार्य रहने बताएका छन् ।
