नानाआङा धिम सहयोगको लागि किम्हेमा डिजे पार्टी
किम्हेमा महिला सेल्टर ‘नानाआङा धिम’ को व्यवस्थापन तथा सहयोगार्थको लागि बुसान, किम्हे सहरमा छुसक नाइट डान्स पार्टी हुने भएको छ ।
कोरियन चाड छुसकको पहिलो दिन सेप्टेम्बर १६ मा ख्याङ्बु गाइज आयोजित छुसक नाइट डान्स पार्टी किम्हे सी खयारो २०२ मा स्थान रहेको छ । नाइट डान्स पाटीको लागि डिजे सबीर (DJ SABIR) र डिजे एसबीडि (SBD) रहेका छन् ।
विगत ६ वर्षदेखि नेपाली दिदीबहिनीहरूलाई विभिन्न कारणले काम छोडेर वा स्वास्थ्य समस्यामा परेको बेला बस्ने ठाउँको लागि नेपाल तामाङ घेदुङ ख्याङ्सङ बुसान शाखा दक्षिण कोरियाले महिला आवास गृह ‘नानाआङा धिम’ सञ्चालन गर्दै आइरहेको छ । कार्यक्रम बेलुकी ८ बजेदेखि बिहान ४ बजेसम्म हुने छ ।
कार्यक्रम स्थलसम्म जानको लागि किम्हे बजारको एनएच बैङ्कको (NH bank) अगाडिबाट बसको व्यवस्था पनि रहेको छ । कार्यक्रमको प्रवेश शुल्क २०,००० वन तोकिएको छ ।
