छैठौं कोरियाली भाषा प्रतियोगिता २०२४ मा श्रीलंका प्रथम, ५ पटकको विजेता नेपाल दोस्रो
कोरियाली धार्मिक संस्था जेगेसाको IDIA (खुक्जेफोगेसा) द्वारा आयोजित छैठौं प्रवासी मजदुर वक्तृत्वकला प्रतियोगिता २०२४ मा श्रीलकांका निशान्थ हिमिहामीले स्वर्ण पदक (प्रथम) प्राप्त गरेको छ ।
अक्टोबर १३ तारिख आईतबार जोगेसामा आयोजित प्रतियोगिताका बिजेता निशान्थले प्रमाणपत्र, ५ लाख वोन साथमा पुरस्कार हात पारे । उनले ‘शान्ति र दया’ शिर्षकमा आफ्नो मन्तव्य राखेका थिए ।
उक्त प्रतियोगिताको पाचौं संस्करणसम्मको लगातार विजेता नेपालले समूह-बिबाट गोबिन्द अधिकारी र समूह-ए बाट थाईल्याण्डका विरासकले दोस्रो स्थान ओगट्न सफल भएका छन् । उनीहरूले क्रमशं प्रमाणपत्र, नगद ३/३ लाख वोन र पुरस्कार प्राप्त गरेका छन् । त्यस्तै तेस्रो स्थान कम्बोडियाका खासोक खेम र थाईल्याण्डका वाछिरीले प्राप्त गरेका छन् । उनीहरूले प्रमाणपत्र, नगद २/२ लाख वोन र पुरस्कार प्राप्त गरेका छन् ।
विभिन्न सात देश नेपाल, श्रीलकां, म्यानमार, थाईल्याण्ड, कम्बोडिया, भियतनाम र किर्गिस्तानका गरी कुल १५ जना प्रतिस्पर्धीहरू सहभागीका थिए ।
प्रतियोगिताको लोकप्रिय पुरस्कार म्यानमारका मिनहान मिनप्योले पाएको छ । अन्य ९ प्रतिस्पर्धीहरूले प्रमाणपत्र र नगद १/१ लाख वोन सान्त्वना पुरस्कार पाएका छन् ।
निर्णयक मण्डलका अध्यक्षले प्रस्तुतिमा भनाई राख्ने क्रममा कोरियाली भाषामा दक्षता, बिषयवस्तु, प्रस्तुती शैली, समयसिमाका आधारमा निर्णय गरिएको बताए ।
कार्यक्रममा कोरियाली विभिन्न गुम्बा अध्यक्ष, धर्मगुरू, प्रत्येक देशका कोरियामा अवस्थित गुम्बाका अध्यक्ष प्रतिनिधी (धर्मगुरू), विभिन्न सञ्चारमाध्ययहरूको पत्रकार र देशैपिच्छे दर्शक-समर्थकहरूको उल्लेख्य उपस्थिति थियो ।
उक्त प्रतियोगितामा नेपालका दावा फिन्जो तामाङले तामाङ समुदाय र डाम्फूको बारे मन्तव्य राखेपछि प्रस्तोताको आग्रहमा तामाङले बजाईएको डम्फूको प्रत्यक्ष धूनमा हलमा सहभागी सबैले ताली बजाएर आनन्दित र रमाईलो मानेका थिए । प्रतिस्पर्धी तामाङले अन्तर्राष्ट्रिय स्टेजमा समुदायको महत्वपुर्ण विषय उठान गरेको देखेर सामाजिक सञ्जालमा सबैले प्रसंशा गरिरहेको छ ।
गत पाचौं संस्करणका स्वर्ण पदक विजेता नेपालका गुन्जमान लामाले प्रवासमा रोजगारी गरिरहेका धेरैको व्यक्तित्व बिकास र सामाजिक सहभागिता बढाउने कार्यक्रम आयोजना गरेको IDIA संस्था र प्रतिस्पर्धीहरूलाई आभार प्रकट गरे ।
IDIA ले कोरियाली, बहुसंस्कृती (कला, भाषा, धर्म) समुदायको जिवनशैलीसंग आप्रवासीलाई निकट बनाएर कोरिया बसाई सरल र सहज बनाउने उद्देश्यले प्रत्येक बर्ष प्रतियोगिता आयोजना गर्दै आईरहेको छ ।
भिडियो लिंकः
