“१२ गाउँको” सुवन शोको टिकट सोल्ड आउट “मनसराको” रेकर्ड ब्रेक
विराज भट्टद्वारा निदेशित सुपरहिट चलचित्र “१२ गाउँ” को सुवन शोको टिकट “सोल्ड आउट ” भएको छ। यो सँगै यस चलचित्रले सुवन शहरमा मनसराको टिकट विक्रिको रेकर्डलाई ब्रेक गरेको छ। चलचित्र मनसराको टिकट पनि प्रदर्शनको दिन सोल्ड आउट भएको थियो भने “१२ गाउँ” हिजो नै सम्पूर्ण टिकट विक्रि भएको आयोजक सल्यानी समाजले विज्ञप्ती जारी गरेको छ।
कोरियाको नेपाली फिल्म नगरी सुवनमा अक्टोबर २७ तारिख अत्याधुनिक हल मेगाबक्समा एकसाथ ४ ओटा हलमा चलचित्र प्रदर्शन हुँदैछ। दोश्रो शो को लागि ५:३० को मात्र समय भएकोले दोहोर्याएर सो गर्न नसकिने अध्यक्ष टर सिंह पुनले फोनिज कोरियालाई जानकारी गराएका छन्। दर्शकको चाहनालाई पूरा गर्न असमर्थ रहेको प्रति क्षमा याचना गर्दै टिकट बूकिङ गर्नेहरुलाई बेलैमा आएर टिकट लिनपनि आयोजकले अनुरोध गरेको छ।
देश तथा विदेशमा सुपरहिट भैरहेको चलचित्र १२ गाउँमा विराज भट्ट, दिया मास्के, मुरलीधर, सुलेमान शंकर , सोनु चन्द्रपालको अभिनय साथै विराज भट्टका छोरा समिर भट्टको डेब्यु रहेको छ।
