पूर्वी नेपाल समाजको “देउसी भैलो ” कार्यक्रम सम्पन्न
नोभेम्बर २ तारिख दोङ्देमून स्थित नेपालि थाइको हलमा पूर्वी नेपाल सामजले विभिन्न चाडपर्वहरुको शुभकामना आदानप्रदान एवम देउसी भैलो कार्यक्रमको आयोजना सँगै देउसी भैलो कार्यक्रम सम्पन्न गरेको छ। सदा झै यस वर्षपनि संस्थाले दशैँ तिहार नेपाल संवत र छठ पर्वको संयुक्त रुपमा उक्त कार्यक्रम गरेको कार्यवाहक अध्यक्ष चित्र घलेले बताएका छन्।
कार्यक्रममा शुभकामना आदानप्रदान साथसाथै विभिन्न मनोरञ्जनात्म कार्यक्रम र नेपाली मौलिक परिकारहरुको पनि स्टल रहेको थियो। साथै दिपावली विशेष कार्यक्रम भएकोले सामुहिक देउसी भैलो समेत प्रस्तुत गरिएको थियो भने गीत संगीत र नृत्यबाट आगन्तुकलाई मनोरञ्जन दिइएको थियो। यसैगरी वरिष्ठ सल्लहकार शेषहाङ राईको सारङ्गीको धुनमा दर्शक झुमेका थिए। कवि शुष्मा रानाहँमाले आफ्नो कविता बाचन गरेर सुनाएकी थिइन्।
नेपाली राजदूतावसका कार्यबाहक राजदुत पुष्पराज भट्टराईको प्रमुख आतिथ्यमा सम्पन्न कार्यक्रममा संरक्षक अ्र्मृत राई, एन आर एन ए अध्यक्ष वुद्दि गुरुङ, एम टि यू अध्यक्ष उदय राई, एन सि सीका वरिष्ठ उपाध्यक्ष हर्क विष्ट लगायत विभिन्न संघ संस्थाका अध्यक्ष एवम प्रतिनिधिहरुको उपस्थिति रहेको थियो।
