सिन्धुपाल्चोक समाज दक्षिण कोरियाले “१० औँ वार्षिक उत्सव” भव्यताका साथ मनायो
सन २०१४ मा स्थापित सिन्धुपाल्चोक समाज दक्षिण कोरियाले ” १० औँ वार्षिकोत्सव ” भव्यताका साथ मनाएको छ। संस्थाले नोभेम्बर ३ तारिख दोङ्देमुन स्थित नेपाली थाईको हलमा कार्यक्रमको आयोजना गरेको थियो।
कार्यक्रममा संस्थाले स्थापना कालदेखि हालसम्म गरेका सामाजिक कामहरुको छोटो वृतचित्र प्रस्तुत गरेको थियो। वृतचित्रमा संस्थाले खडा गरेका विभिन्न आपतकालिन अक्षय कोष छात्रवृति कोष, लगायतको विवरण समेत दर्शाएको थियो भने विभिन्न चरणमा विरामी सहयोगार्थ अभियान साथै नेपालमा प्राकृतिक विपत्तिमा परेका पीडितहरुलाई राहत वितरण गरेका सामाजिक कामहरुको पनि तथ्याङ्क प्रस्तुत गरेको थियो।
सिन्धुपाल्चोक समाजलाई विभिन्न माध्ययमबाट सहयोग पुर्याउने, समाजसेवी, कलाकार, साहित्यकार, संचारकर्मी लगायतलाई सम्मान पत्रद्वारा सम्मान गरिएको थियो। नेपाली राजदूतावास कोरियाका द्वितिय सचिव सूर्य थापाको प्रमुख आतिथ्य रहेको कार्यक्रममा अध्यक्ष राजु लामा (राज लोप्चन) को अध्यक्षता रहेको थियो। कार्यक्रममा विभिन्न संघ संस्थाका अध्यक्ष एवम प्रतिनिधिहरुले शुभकामना मन्तव्य राखेका थिए।
संस्थाका वरिष्ठ उपाध्यक्ष विशाल श्रेष्ठले स्वागत मन्तव्य राखेका थिए भने महासचिव उद्धव बहादुर खत्रीले कार्यक्रम सञ्चालन गरेका थिए।
