कोरिया घेदुङको वार्षिक साधारण सभा सम्पन्न
साधारण सभाको पहिलो सत्रमा कोषाध्यक्ष प्रयत्न पासाङ बमजन तामाङले आर्थिक प्रतिवेदन प्रस्तुत गरेको थियो । आर्थिक प्रतिवेदन प्रस्तुतपछि घेदुङका महासचिव दावाफिन्जो योन्जन तामाङले वार्षिक कार्यक्रम प्रतिवेदन प्रस्तुत गरेको थियो ।
कार्यक्रममा प्रमुख अतिथि नेपाली दुतवास सउलका द्धितीय सचिव सूर्य थापा थियो । त्यसै गरी अतिथिहरूमा नेपाल आदिवासी जनजाति महासङ्घ दक्षिण कोरियाका अध्यक्ष विशन राई, गैर आवासीय नेपाली सङ्घका अध्यक्ष बुद्धि गुरुङ र बिपिन गुरुङ लगायत राजनीतिक सङ्गठनका अध्यक्ष, जातीय सङ्घसंस्थाका अध्यक्षहरू, प्रादेशिक तथा क्षेत्रीय र सल्लाहकारहरूको उपस्थिति रहेको थियो ।
कार्यक्रममा लावा ग्रुप र साइनो ग्रुपले घेदुङ शैक्षिक कल्याणकारी कोषको लागि २ लाख ५० हजार वन सहयोग हस्तान्तरण गरेको थियो । सो ग्रुपले गत छुसकमा सम्पन्न भएको सेलो नाइट वीथ विश्व दोङ कार्यक्रममा सफल पार्न घेदुङबाट सबै प्रकारको सहयोग गरेको भन्दै सहयोग रकम प्रदान गरेको लावा ग्रुपका प्रबन्ध निर्देशक शुभराज भोम्जनले बताए ।
त्यस्तै प्रमुख अतिथि नेपाली दुतवास सउलका द्धितीय सचिव सूर्य थापालाई चार बर्से कार्य अवधि सकाएर नेपाल फर्किन लागेकाले बिदाइ तथा सम्मान गरेको थियो ।
साधारण सभा कार्यक्रमको सभापतित्व नेपाल तामाङ घेदुङका अध्यक्ष राजकुमार स्याङ्तानले गरेको थियो । र कार्यक्रम सञ्चालन महासचिव दावाफिन्जो योन्जन तामाङले गरेको थियो ।
