कोरियाबाट सन्तोष गुरुङको “तिम्रो मेरो सम्बन्ध” सार्वजनिक
नेपाली आधुनिक गीत विधा अन्तर्गत गीत लेखनमा शानदार डेब्यु गर्दै सन्तोष गुरुङले “तिम्रो मेरो सम्बन्ध” बजारमा ल्याएका छन् । विशेष गरी नेपाली आधुनिक गीतसंगीतको क्षेत्रमा चर्चित हस्ती दि भोईस अफ नेपाल सिजन ५ र आउने सिजन ६ को कोच उदय सोताङ र उहाँको “टीम बुलेट” को प्रतिभावान् मिठो स्वरका धनी ममता हिन्माङ्गले यस गीतमा आफ्नो सुमधुर स्वर भरेकी छिन् ।
“जिन्दगी जिउने क्रममा कति सम्बन्धहरु गाँसिन्छन र कति छुटिन्छन पनि तर कुनै कुनै सम्बन्ध यस्तो हुने रै’छ कि जसलाई बुझ्न र बुझाउन निकै गार्हो हुने भाव गीत मार्फत् प्रष्ट झल्किन्छ । मायालु जोडीमा हुने केही छट्पटी, उतार चढावका भावहरुले गीतको उचाई अझ बढाएको छ ।
“तिम्रो मेरो सम्बन्ध” गीतमा संगीत स्वयं उदय सोताङले नै भरेका छन् । सुर संगम स्टुडियोमा रेकर्डिङ, एरेन्जमा कृष्ण लिम्बु, रेकर्डिस्ट सुरथ प्रधान, मिक्स/मास्टरको जिम्मा दिनेश न्यौपानेले सम्हालेका छन् ।
नेपालको विभिन्न मनोरम दृश्य समावेश गरिएको यस गीतको म्यूजिक भिडियोमा सुरेश कोहिल र ममता हिन्माङ्गको अभिनय देख्न सकिन्छ । सुष्मा गुरुङ “लुरी” को निर्माणमा बनेको र म्यूजिक भिडियो दौथ राईले निर्देशन गरेका हुन् । “तिम्रो मेरो सम्बन्ध” गीत Uday Manila Sotang Official यूट्यूब च्यानल मार्फत नेपाली सांगीतिक बजारमा उपलब्ध छ ।
[भिडियो हेर्न तलको यूट्यूब लिंक क्लिक गर्नुहोला ।]
