“माछापुच्छ्रे सांगीतिक सौगात भाग ४” को पोष्टर सार्वजनिक १ डिसेम्बरमा हुने
कोरिया स्थित क्षेत्रीय संस्था कास्की परिवार दक्षिण कोरियाले कोरियन नयाँ वर्ष सलनाल २०२५ को अवसर पारेर “माछपुच्छ्रे सांगीतिक सौगात भाग ४”को पोष्टर सार्वजानिक गर्ने भएको छ । सलनाललाई लक्षित गर्दै आयोजना गरिने सो कार्यक्रमको बारेमा सम्पूर्ण जानकारी दिने उद्धेश्यले ब्यापक तयारीमा आयोजक संस्था जुटिरहेको सोही संस्थाका अध्यक्ष सन्तोष पौडेलले बताए ।
कोरियामा सबैभन्दा पुरानो संस्था नेपाली सम्पर्क समितिको सहजीकरण र गण्डकी प्रदेश समाज दक्षिण कोरिया समन्वय साथै सोही प्रदेश अन्तर्गत रहेका अन्य दश जिल्ला र को पूर्ण साथ, समर्थन र निर्णयात्मक अनुमोदन गरिएकोले कार्यक्रम सफल र थप उत्साहजनक हुने कार्यक्रम आयोजक कमिटी प्रमुख प्रदेश खोम प्रसाद गुरुङले बताए । संस्थाले स्थापना कालदेखि विभिन्न सामाजिक र परोपकारी कार्यमा अग्रसरता देखाउँदै आइरहेको सन्दर्भ उल्लेख गर्दै कार्यक्रमको उद्धेश्य, औचित्यता र पूर्ण जानकारी र कलाकार सहितको पोष्टर सार्वजनिक गरिने जानकारी संस्थाका प्रचारप्रसार संयोजक टेकनाथ भण्डारीले थपे । आपतकालीन राहतकोष स्थापना सहयोगार्थ उद्धेश्यका साथ आयोजना हुने सो कार्यक्रम आर्थिक पाटोबाट मात्रै नभई कोरियामा रहेका नेपाली समुदायलाई कार्यक्रम मार्फत् पूर्णतया: सांगीतिक मनोरञ्जन प्रदान गर्न विश्वस्त रहँदै कुनै कसर बाँकी नराख्ने आर्थिक संयोजक आरती ह्योल्मोले स्पष्ट पारिन् ।
कास्की परिवारले जनवरी २८ तारिक (सलनालको पहिलो दिन) आयोजना गर्ने उक्त माछपुच्छ्रे सांगीतिक सौगात भाग ४ को पोष्टर सार्वजनिक तपसिलका मिति, समय र स्थानमा हुने भएकाेले कोरियास्थित सम्पूर्ण नेपाली दाजुभाई तथा दिदीबहिनीहरुमा आयोजक संस्थाले उपस्थितिका लागि हार्दिक अनुरोध गरेको छ ।
पोष्टर सार्वजनिक कार्यक्रम :
मिति : २०२४ डिसेम्बर ०१, आइतबार
समय : दिनको ठिक १:०० बजे
स्थान : निक ट्राभल्सको सभाहल दोङ्देमुन, सउल
