अष्ट्रेलियाबाट दलेन्द्र गुरुङको “आरुपाटे” सार्वजनिक [भिडियो सहित]
नेपाली लोक तथा दोहोरी विधा अन्तर्गत गीत लेखन र आवाजमा शानदार डेब्यु गर्दै दलेन्द्र गुरुङले “आरुपाटे मन परिछ्यौ र मैले दिल साटे” बोलको गीत बजारमा ल्याएका छन् । नेपाली लोक तथा दोहोरी गीतको क्षेत्रमा अत्यन्त व्यस्त गायिका शान्ति श्री परियार र स्वयं दलेन्द्र गुरुङले यस गीतमा आफ्नो सुमधुर स्वर भरेका छन् ।
“आरुपाटे” गीतको बोलमार्फत गाउँको चिनारी, भौगोलिक अवस्थितिको जानकारी र मात्रै नभएर युवायुवती वीचको प्रेमालाप र आफ्नै गाउँठाउँ छाडेर परदेश नगईकन परिश्रमी हातहरुले गाउँप्रति प्रेम, र मोह देखाउँदै सिंगार्नुपर्छ भन्ने सुखद अभिव्यक्तिलाई बढो आकर्षक ढङ्गले प्रस्तुत गरिएको यस गीतले आम गीत संगीत पारखीको पक्कै मन जित्ने अपेक्षा लिइएको छ ।
मालाश्री स्टुडियोमा रेकर्डिङ, म्यूजिक/म्यूजिक एरेन्जमा झलक संगीतम, रेकर्डिस्ट गोविन्द पराजुली, MUA विमला तामाङ, प्रोडक्सन म्यानेजर लक्ष्मण खरेल, सिनेमाटोग्राफी नवराज उप्रेती, सम्पादन नवीन घर्ती मगर, पोष्ट प्रोडक्सन एडभेन्चर इन्टरटेन्मेन्ट रहेको छ भने मिक्स/मास्टरको खडक बाजुरली सम्हालेका छन् ।
स्याङ्जा जिल्ला अन्तर्गत वालिङ नगरपालिका वडा नंं. ५ पित्लेक, आरुपाटा, पाँडेथोकका विभिन्न मनोरम दृश्य समावेश गरिएको यस गीतको म्यूजिक भिडियोमा स्वयं दलेन्द्र गुरुङ र जुना विश्वकर्मा लगायत वालिङ कला केन्द्रका कलाकारहरुको अभिनय देख्न सकिन्छ भने म्यूजिक भिडियो मौसम हिमालीले निर्देशन गरेका हुन् । गीत JHALAK SANGEETAM यूट्यूब च्यानल मार्फत नेपाली सांगीतिक बजारमा उपलब्ध छ ।
[भिडियो हेर्न तल को यूट्यूब लिंक क्लिक गर्नुहोला ।]
