नेपाल तामाङ घेदुङ दक्षिण कोरियाले जनवरी २८ मा बृहत् सांस्कृतिक ल्होछार कार्यक्रम गर्ने

नेपाल तामाङ घेदुङ, दक्षिण कोरिया सउल केन्द्रले जनवरी २८ मा बृहत् सांस्कृतिक ल्होछार कार्यक्रम गर्ने भएको छ । मञ्जुश्री संवत् २८६१ को नयाँ वर्ष सुरु हुने र सर्प वर्ग सोनाम ल्होछारको अवसर पारेर नेपालका ख्याति प्राप्त कलाकारहरूको साथमा बृहत् सांस्कृतिक ल्होछार कार्यक्रम गर्ने भएको हो ।

घेदुङले पोस्टर र निमन्त्रणा कार्ड सार्वजनिक गर्दै दीर्घकालीन शैक्षिक कल्याणकारी कोषमा रकम थप गर्ने उद्देश्यले बृहत् ल्होछार कार्यक्रम गर्ने भएको हो । कलाकारको फोटो बिनाको पोस्टर पोस्ट गर्दै घेदुङले कोरियामा रहेका सम्पूर्ण बुद्धिजीवी, समाजसेवी, अभियन्ता, व्यवसायी, विद्यार्थी, पत्रकार, लेखक तथा आम नेपाली दाजुभाइ, दिदीबहिनीहरूलाई निमन्त्रणासहित आव्हान गरेको छ ।

कार्यक्रममा ख्याति प्राप्त कलाकार र स्थानीय कलाकारहरूको प्रस्तुति, डम्फु नाच, साहित्यिक रचना वाचन र शुभकामना आदानप्रदान हुने छ ।

कार्यक्रम दिनको साढे ३ बजेदेखि सुरु भएर राती १० बजे सम्म हुने छ । ल्होछार कार्यक्रम स्थान HW Convention Hall 컨벤션센터사울특별시 종로구 자하문로 255(부암동 165-3) हलमा हुने छ । सौल मेट्रो लाइन नं. १ को जोङ्गक स्टेसनबाट नजिकै रहेको छ । साैल रेल स्टेसन दोङ्देमुन ३ नम्बर गेटबाट बसकाे व्यवस्था पनि रहेकाे छ ।